ಮೂಡಲಗಿ ಪಟ್ಟಣದಿಂದ ಗುರ್ಲಾಪುರ ಕ್ರಾಸ್‌ವರೆಗಿನ ರಸ್ತೆ ಅಗಲೀಕರಣ; ಅಕ್ರಮ ಕಟ್ಟಡ ತೆರವು

ಮೂಡಲಗಿ: ಪಟ್ಟಣದಿಂದ ಗುರ್ಲಾಪುರ ಕ್ರಾಸ್‌ವರೆಗಿನ ರಸ್ತೆ ಅಗಲೀಕರಣ ಕಾಮಗಾರಿ ಹಿನ್ನೆಲೆಯಲ್ಲಿರಸ್ತೆಯ ಅಕ್ಕಪಕ್ಕ ಅತಿಕ್ರಮಣವಾಗಿದ್ದ ಶೆಡ್‌ ಮತ್ತು ಕಟ್ಟಡಗಳನ್ನು ಪುರಸಭೆ ನೇತೃತ್ವದಲ್ಲಿಗುರುವಾರ ತೆರವುಗೊಳಿಸಲಾಯಿತು.

ಪುರಸಭೆ ಮುಖ್ಯಾಧಿಕಾರಿ ದೀಪಕ ಹರ್ದಿ ಮಾತನಾಡಿ, ''ಮೂಡಲಗಿ ಅಭಿವೃದ್ಧಿಗಾಗಿ ಶಾಸಕ ಬಾಲಚಂದ್ರ ಜಾರಕಿಕೊಳಿ ಅವರು ಬಿಡುಗಡೆ ಮಾಡಿರುವ 2 ಕೋಟಿ ರೂ. ವಿಶೇಷ ಅನುದಾನದಲ್ಲಿ45 ಲಕ್ಷ ರೂ. ಅನುದಾನವನ್ನು ಮೂಡಲಗಿ-ಗುರ್ಲಾಪುರ ಕ್ರಾಸ್‌ವರೆಗಿನ ಮುಖ್ಯ ರಸ್ತೆಯ ಅಗಲೀಕರಣಕ್ಕಾಗಿ ಮೀಸಲಿಡಿಸಿದ್ದಾರೆ. ಮೂಡಲಗಿಯಿಂದ ಗುರ್ಲಾಪುರ ಕ್ರಾಸ್‌ವರೆಗೆ 20 ಮೀ. ಅಗಲದ ರಸ್ತೆ ಮಾಡಲಾಗುತ್ತಿದೆ'', ಎಂದರು.

ಪುರಸಭೆ ಅಧ್ಯಕ್ಷ ಹಣಮಂತ ಗುಡ್ಲಮನಿ, ಶಿವು ಚಂಡಕಿ, ಸಿದ್ದು ಗಡ್ಡೇಕಾರ, ಗಫಾರ ಡಾಂಗೆ, ಈರಣ್ಣ ಕೊಣ್ಣೂರ, ಆನಂದ ಟಪಾಲದಾರ, ಅನ್ವರ ನದಾಫ, ಚನ್ನಪ್ಪ ಅಥಣಿ, ಹುಸೇನಸಾಬ ಶೇಖ, ನನ್ನುಸಾಬ ಶೇಖ, ಸಿದ್ದಪ್ಪ ಮಗುದುಮ್‌, ಮರೆಪ್ಪ ಮರೆಪ್ಪಗೋಳ, ತಿರುಪತಿ, ಕಿರಣ ಮೋಹಿತೆ, ಚಿದಾನಂದ ಮುಗಳಖೋಡ ಉಪಸ್ಥಿತರಿದ್ದರು.