ಅನಧಿಕೃತವಾಗಿ ಸಂಗ್ರಹಿಸಿದ 97 ಬ್ರಾಸ್‌ ಮರಳು ವಶಕ್ಕೆ

ಕಾಗವಾಡ: ತಾಲೂಕಿನ ಬನಿಜವಾಡ ಗ್ರಾಮದಲ್ಲಿ ಬರಗಾಲದಿಂದ ಬತ್ತಿ ಹೋಗಿರುವ ಕೃಷ್ಣಾ ನದಿ ತೀರದಲ್ಲಿ ಮನೆಗಳೆದುರು ಅಕ್ರಮವಾಗಿ ಸಂಗ್ರಹಿಸಿಟ್ಟಿದ್ದ 97 ಬ್ರಾಸ್‌ ಅನಧಿಕೃತ ಮರಳನ್ನು ಕಂದಾಯ ಮತ್ತು ಪೊಲೀಸ್‌ ಇಲಾಖೆ ತಂಡ ಏಕಾಏಕಿ ದಾಳಿ ನಡೆಸಿ ವಶಪಡಿಸಿಕೊಂಡಿದೆ.

ತಹಸೀಲ್ದಾರ್‌ ಪರಿಮಳಾ ದೇಶಪಾಂಡೆ, ಗ್ರೇಡ್‌-2 ತಹಸೀಲ್ದಾರ್‌ ವಿಜಯ ಚೌಗುಲೆ, ಪಿಎಸ್‌ಐ ಹನಮಂತ ಶಿರಹಟ್ಟಿ, ಅವರ ಸಿಬ್ಬಂದಿದೊಂದಿಗೆ ಬನಿಜವಾಡಕ್ಕೆ ಆಗಮಿಸಿ ಜನರು ಮನೆ ಮುಂದೆ ಅನಧಿಕೃತವಾಗಿ ಸಂಗ್ರಹಿಸಿದ ಮರಳನ್ನು ವಶಕ್ಕೆ ಪಡೆದರು.