ಅನಾರೋಗ್ಯ; ವ್ಯಕ್ತಿ ಸಾವು

ಬೆಳಗಾವಿ: ಇಲ್ಲಿನ ಶಹಾಪುರ ಆನಂದವಾಡಿ ಪೌರಕಾರ್ಮಿಕರ ಬಡಾವಣೆಯ ನಿವಾಸಿ ಸ್ಟೆಫಿನ್‌ಬಾಬು ದೇವಯ್ಯ ಯಲಕಪಾಟಿ(36) ಗುರುವಾರ ರಾತ್ರಿ ಮೃತಪಟ್ಟಿದ್ದಾರೆ.

ಗುರುವಾರ ರಾತ್ರಿ 10 ಗಂಟೆ ಸುಮಾರಿಗೆ ಇವರು ಮನೆಯಲ್ಲಿ ಊಟ ಮಾಡದೆ ಮಲಗಿದ್ದರು. ಏಕಾಏಕಿ ಬಿಪಿ ಲೋ ಆಗಿದ್ದರಿಂದ ಕುಟುಂಬಸ್ಥರು ಚಿಕಿತ್ಸೆಗಾಗಿ ಜಿಲ್ಲಾಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದರು. ಆದರೆ, ಅಷ್ಟೊತ್ತಿಗಾಗಲೇ ಮೃತಪಟ್ಟಿದ್ದ ಎಂದು ಪೊಲೀಸ್‌ ಮೂಲಗಳು ತಿಳಿಸಿವೆ.

ಸ್ಟೆಫಿನ್‌ಬಾಬು ವಿಪರೀತ ಸಾರಾಯಿ ಸೇವನೆ ಮಾಡುತ್ತಿದ್ದರಿಂದ ಅಸ್ವಾಭಾವಿಕ ಸಾವಿಗೀಡಾದ್ದಾನೆ ಎಂದು ಶಹಾಪುರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ಎಎಸ್‌ಐ ಎಂ.ಎಸ್‌. ವಠಾರೆ ತನಿಖೆ ನಡೆಸಿದ್ದಾರೆ.