ಹುದ್ದೆ ಭರ್ತಿಯಲ್ಲಿ ಸ್ಥಳೀಯರಿಗೆ ಅನ್ಯಾಯ ಆರೋಪ

ಮುಗಳಖೋಡ: ಪಟ್ಟಣದ ವಾರ್ಡ್‌ ಸಂಖ್ಯೆ 4ರ ಅಂಗನವಾಡಿ ಕೇಂದ್ರಕ್ಕೆ ಹೊಸತಾಗಿ ಅಂಗನವಾಡಿ ಸಹಾಯಕಿ ಹುದ್ದೆಯ ಸ್ಥಾನಕ್ಕೆ ನೇಮಕವಾಗಿರುವ ಸದಸ್ಯೆ ಮೂಲತಃ ವಾರ್ಡ್‌ ಸಂಖ್ಯೆ 5ರ ನಿವಾಸಿಯಾಗಿದ್ದು ಅವರ ಅವರ ನೇಮಕಾತಿಯಿಂದ 4 ನೇ ವಾರ್ಡ್‌ನಿಂದ ಅರ್ಜಿ ಸಲ್ಲಿಸಿರುವ ತಮಗೆ ಅನ್ಯಾಯವಾಗಿದೆ ಎಂದು 4ನೇ ವಾರ್ಡ್‌ನ ಅರ್ಜಿದಾರ ಕಾಮಣ್ಣ ದೇವಣ್ಣವರ ಮತ್ತಿತರರು ಆರೋಪಿಸಿದ್ದಾರೆ.

ಈ ಕುರಿತು ಕುಲಂಕೂಷವಾಗಿ ಪರಿಶೀಲನೆ ನಡೆಸಿ ಕ್ರಮ ಕೈಗೊಳ್ಳಬೇಕೆಂದು ಅವರು ಒತ್ತಾಯಿಸಿದ್ದಾರೆ. ಅಂಗನವಾಡಿ ಸಹಾಯಕಿಯಾಗಿ ನೇಮಕವಾಗಿರುವ ಸುನಂದಾ ಕರಿಭೀಮಗೋಳ ಅವರ ಚುನಾವಣೆ ಗುರುತಿನ ಚೀಟಿಯಲ್ಲಿ ಅವರು 5ನೇ ವಾರ್ಡ್‌ ನಿವಾಸಿ ಎಂದಿದೆ. ಅವರು ಅಲ್ಲಿಯ ನಿವಾಸಿಗಳೇ ಆಗಿದ್ದಾರೆ. ಆದರೆ ಸ್ಥಳೀಯ 4 ನೇ ವಾರ್ಡ್‌ದಿಂದ ಅರ್ಜಿ ಸಲ್ಲಿಸಿರುವ 4 ಜನರಿಗೆ ಅನ್ಯಾಯವಾಗಿದೆ ಎಂದರು.

ತಮ್ಮಿಂದ ಏನೂ ಬರೆಯದೇ ಖಾಲಿ ಕಾಗದಕ್ಕೆ ಸಹಿ ಮಾಡಿಸಿಕೊಂಡಿದ್ದು ಈ ಕುರಿತು ಪ್ರಶ್ನಿಸಿದರೆ ಅಂಗನವಾಡಿ ಕೇಂದ್ರದ ಕಟ್ಟಡಕ್ಕಾಗಿ ಅರ್ಜಿ ಸಲ್ಲಿಸಲಾಗುತ್ತಿದೆ ಎಂದು ಸುಳ್ಳು ಉತ್ತರ ನೀಡಲಾಗುತ್ತಿದೆ ಎಂದು ಅವರು ದೂರಿದರು.

ಜಯಪ್ಪ ಮಾಸ್ತರಗೋಳ, ಪ್ರೇಮಾ ಹಳಿಂಗಳಿ, ಅರುಣ ದೇವಣ್ಣವರ, ಮಾನಿಂಗ ಯಾದವಾಡ, ಸಂಗಪ್ಪ ನಡುವಿನಕೇರಿ ಇದ್ದರು.