ಪ್ರಾಧಿಕಾರ ವಿರೋಧಿಸಿದರೆ ಮರಾಠಿಗರಿಗೇ ಅನ್ಯಾಯ; ಎಂಇಎಸ್‌ಗೆ ಶಾಸಕ ಅನಿಲ್‌ ಬೆನಕೆ ರಾಜಕೀಯ ಪಾಠ

ಬೆಳಗಾವಿ: ಸರಕಾರದ ಅಭಿವೃದ್ಧಿಪರ ಕ್ರಮ ವಿರೋಧಿಸಿದರೆ ನೀವೂ ಮರಾಠಿಗರಿಗೆ ಅನ್ಯಾಯ ಮಾಡಿದಂತೆ ಎಂದು ಮಹಾರಾಷ್ಟ್ರ ಏಕೀಕರಣ ಸಮಿತಿ (ಎಂಇಎಸ್‌)ಗೆ ಶಾಸಕ ಅನಿಲ್‌ ಬೆನಕೆ ರಾಜಕೀಯ ಪಾಠ ಮಾಡಿದ್ದಾರೆ.

ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ''ಕರ್ನಾಟಕ ಬಂದ್‌‍ಗೆ ಕರೆ ನೀಡಿದ ಸಂಘಟನೆಗಳಲ್ಲಿಮರಾಠಾ ಸಮುದಾಯದವರಿದ್ದಾರೆ. ಮರಾಠಾ, ಮರಾಠಿ ನಡುವಿನ ಅಂತರವನ್ನು ಸಂಘಟನೆಗಳು ಅರ್ಥ ಮಾಡಿಕೊಳ್ಳಬೇಕು. ಕನ್ನಡ ಮಾತನಾಡುವ ಬಹಳಷ್ಟು ಜನರು ಮರಾಠಾ ಸಮುದಾಯದಲ್ಲಿಇದ್ದಾರೆ. ಮರಾಠಾ ಸಮುದಾಯದ ಅಭಿವೃದ್ಧಿಗಾಗಿ ಸರಕಾರ ಪ್ರಾಧಿಕಾರ ರಚನೆ ಮಾಡಿದೆ'', ಎಂದರು.

''ಮರಾಠಾ ಸಮುದಾಯದಲ್ಲಿರುವ ಕನ್ನಡಿಗರಿಗೆ ಅನ್ಯಾಯ ಆಗಬಾರದು. ಮರಾಠಾ ಸಮುದಾಯದೊಳಗೆ ಎಂಇಎಸ್‌ ಇದೆ. ಅದು ಕೇವಲ ಒಂದು ಸಂಘಟನೆ. ಅಂತಹ ಎಂಇಎಸ್‌‍ನವರು ಮರಾಠಾ ಪ್ರಾಧಿಕಾರ ವಿರೋಧಿಸಿದರೆ ಅದು ಮರಾಠಿಗರಿಗೆ ಮಾಡುವ ದೊಡ್ಡ ಅವಮಾನ'', ಎಂದು ಅಸಮಾಧಾನ ವ್ಯಕ್ತಪಡಿಸಿದರು.