ಪ್ಲಾಸ್ಟರ್‌ ಆಫ್‌ ಪ್ಯಾರೀಸ್‌ ಗಣೇಶ ಮೂರ್ತಿ ನಿಷೇಧಿಸಲು ಒತ್ತಾಯ

ಬೈಲಹೊಂಗಲ: ಪ್ಲಾಸ್ಟರ್‌ ಆಫ್‌ ಫ್ಯಾರೀಸ್‌ನಿಂದ ತಯಾರಿಸಲಾಗುವ ಗಣೇಶ ಮೂರ್ತಿಗಳನ್ನು ರಾಜ್ಯಾದ್ಯಂತ ನಿಷೇಧಿಸುವಂತೆ ಒತ್ತಾಯಿಸಿ ಬೈಲಹೊಂಗಲ ತಾಲೂಕು ಗಣೇಶ ಮೂರ್ತಿಕಾರರ ಸಂಘದ ವತಿಯಿಂದ ಜಿಲ್ಲಾಧಿಕಾರಿ ಎನ್‌. ಜಿಯಾವುಲ್ಲಾ ಅವರಿಗೆ ಮನವಿ ಸಲ್ಲಿಸಲಾಗಿದೆ.

ಕೇಂದ್ರ ಸರಕಾರ ಪ್ಲಾಸ್ಟರ್‌ ಆಫ್‌ ಫ್ಯಾರೀಸ್‌ ಗಣೇಶ ಮೂರ್ತಿಗಳನ್ನು ತಯಾರಿಸದಂತೆ ಆದೇಶ ಮಾಡಿದ್ದರು. ಜಿಲ್ಲೆಯಾದ್ಯಂತ ಈಗಾಗಲೆ ವಲಸೆ ಬಂದ ಮೂರ್ತಿಕಾರರು ಅಲ್ಲಲ್ಲಿ ಗಣೇಶ ಮೂರ್ತಿಗಳನ್ನು ಮಾಡುತಿದ್ದಾರೆ. ಇದರಿಂದ ತಲತಲಾಂತರದಿಂದ ಮಣ್ಣಿನ ಗಣಪತಿ ಮಾಡುವ ಸಾವಿರಾರು ಬಡ ಕಲಾವಿದರಿಗೆ ಹಾಗೂ ಮೂರ್ತಿಕಾರರಿಗೆ ತುಂಬುಲಾರದ ನಷ್ಟವಾಗಿವಾಗಿದೆ ಎಂದು ಗಣೇಶ ಮೂರ್ತಿಕಾರರ ತಾಲೂಕು ಅಧ್ಯಕ್ಷ ರಾಜು ಬಡಿಗೇರ ಹೇಳಿದರು.

ಈ ಸಂದರ್ಭದಲ್ಲಿ ಉಪಾಧ್ಯಕ್ಷ ಮೋಹನ ಚವ್ಹಾನ, ಕಾರ್ಯದರ್ಶಿ ವಿನೋದ ಬಡಿಗೇರ, ಮಲ್ಲಿಕಾರ್ಜುನ ಆನಿಗೋಳ, ರಾಜು ಚಿತ್ರಗಾರ, ರಾಮಕೃಷ್ಣ ಬಡಿಗೇರ, ಮಹಾದೇವಪ್ಪ ಪತ್ತಾರ, ಗುರುನಾಥ ಬಡಿಗೇರ, ಶಂಕರ ಕಂಬಾರ, ಮಂಜು ಕಂಬಾರ ಉಪಸ್ಥಿತರಿದ್ದರು.