ಆ್ಯಪ್ನಗರ

ಸ್ಥಳೀಯರಿಗೆ ಸುಂಕ ವಿನಾಯಿತಿ ಮಾಡುವಂತೆ ಒತ್ತಾಯ

ಚಿಕ್ಕೋಡಿ: ತಾಲೂಕಿನ ಚಿಂಚಣಿ ಗ್ರಾಮದ ಸುತ್ತಮುತ್ತಲಿನ ಗ್ರಾಮಗಳ ರೈತರು ...

Vijaya Karnataka 18 Sep 2019, 5:00 am
ಚಿಕ್ಕೋಡಿ: ತಾಲೂಕಿನ ಚಿಂಚಣಿ ಗ್ರಾಮದ ಸುತ್ತಮುತ್ತಲಿನ ಗ್ರಾಮಗಳ ರೈತರು, ಸಾರ್ವಜನಿಕರು ಹಾಗೂ ಶಾಲಾ ವಾಹನಗಳಿಗೆ ಟೋಲ್‌ ವಿನಾಯಿತಿ ನೀಡುವಂತೆ ಆಗ್ರಹಿಸಿದ ಚಿಂಚಣಿ ಟೋಲ್‌ ವಸೂಲಾತಿ ಕೇಂದ್ರವನ್ನು ಬಂದ್‌ ಮಾಡಿದ ಸುತ್ತಲಿನ ಗ್ರಾಮಸ್ಥರು, ರೈತರು, ವಾಹನ ಚಾಲಕರು ಮಂಗಳವಾರ ಪ್ರತಿಭಟನೆ ನಡೆಸಿದರು.
Vijaya Karnataka Web 17CKD1_53


ನಿಪ್ಪಾಣಿ-ಮುಧೋಳ ರಾಜ್ಯ ಹೆದ್ದಾರಿಯಲ್ಲಿಒಂದೇ ತಾಲೂಕಿನಲ್ಲಿಕೇವಲ 20 ಕಿ.ಮೀ ಅಂತರದಲ್ಲಿಕಬ್ಬೂರ ಪಟ್ಟಣ ಹಾಗೂ ಚಿಂಚಣಿ ಗ್ರಾಮಗಳ ಬಳಿ ಎರಡು ಕಡೆ ಟೋಲ್‌ ಗೇಟ್‌ ಆರಂಭಿಸಲಾಗಿದೆ. ಇದರಿಂದ ಸ್ಥಳೀಯ ಗ್ರಾಮಗಳ ಸಾರ್ವಜನಿಕರಿಗೆ ಅನ್ಯಾಯವಾಗುತ್ತಿದೆ. ಸ್ಥಳೀಯ ವಾಹನಗಳ ಚಾಲಕರ ಮೇಲೆ ಸುಂಕ ವಸೂಲಿ ಮಾಡುತ್ತಿರುವುದು ಹಗಲು ದರೋಡೆ ಎಂದು ಪ್ರತಿಭಟನಾಕಾರರು ಆಕ್ರೋಶ ವ್ಯಕ್ತಪಡಿಸಿದರು.

ಕೂಡಲೇ ಸ್ಥಳೀಯ ವಾಹನಗಳಿಗೆ ಟೋಲ್‌ ವಿನಾಯಿತಿ ನೀಡದಿದ್ದಲ್ಲಿಮುಂದಿನ ದಿನಮಾನದಲ್ಲಿತೀವ್ರ ಸ್ವರೂಪದ ಪ್ರತಿಭಟನೆಗೆ ಮುಂದಾಗಬೇಕಾಗುತ್ತದೆ ಎಂದು ಸ್ಥಳೀಯರು ಎಚ್ಚರಿಕೆ ನೀಡಿದರು.

ಮೂಲಸೌಲಭ್ಯ ಒದಗಿಸಿ:
ರಾಜ್ಯ ಹೆದ್ದಾರಿಯಲ್ಲಿಆರಂಭಿಸಿರುವ ಟೋಲ್‌ಗೇಟ್‌ಗಳಲ್ಲಿಕುಡಿಯುವ ನೀರು, ಶೌಚಾಲಯ ಸೇರದಂತೆ ಯಾವುದೇ ಮೂಲ ಸೌಕರ್ಯಗಳಿಲ್ಲ. ಟೋಲ್‌ ಆರಂಭಿಸುವ ಮೊದಲು ಟೋಲ್‌ ಗೇಟ್‌ಗಳಲ್ಲಿಮೂಲ ಸೌಕರ್ಯಗಳನ್ನು ಆರಂಭಿಸುವಂತೆ ಪ್ರತಿಭಟನಾಕಾರರು ಒತ್ತಾಯಿಸಿದರು.

ಕಬ್ಬೂರ ಹಾಗೂ ಚಿಂಚಣಿ ಎರಡೂ ಕಡೆ ಒಂದೇ ಕಂಪನಿಯವರು ಟೋಲ್‌ ಕೇಂದ್ರ ಆರಂಭಿಸಿದ್ದಾರೆ. ಕಬ್ಬೂರಿನಲ್ಲಿಒಂದು ಕಾರಿಗೆ 30 ರೂ. ವಸೂಲಿ ಮಾಡಿದರೆ, ಚಿಂಚಣಿ ಬಳಿ 40 ರೂ. ಸುಂಕ ವಸೂಲಿ ಮಾಡಲಾಗುತ್ತಿದೆ. ಸಂಪೂರ್ಣ ಅವೈಜ್ಞಾನಿಕವಾಗಿರುವ ಚಿಂಚಣಿ ಟೋಲ್‌ ವಸೂಲಾತಿ ಕೇಂದ್ರವನ್ನೇ ರದ್ದುಗೊಳಿಸಬೇಕು.
-ಚಂದ್ರು ತಳವಾರ, ನಿಪನಾಳದ ಕಾರು ಚಾಲಕ

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ