ಬೆಳಗಾವಿ ಹೆಲ್ಮೆಟ್‌ ಕಂಪನಿ ಮೇಲೆ ಐಟಿ ದಾಳಿ

ಬೆಳಗಾವಿ: ದೇಶದ ನಾನಾ ಭಾಗಗಳಲ್ಲಿಉತ್ಪಾದನಾ ಘಟಕ ಹೊಂದಿರುವ ನಗರದ ಪ್ರಸಿದ್ಧ ಹೆಲ್ಮೆಟ್‌ ತಯಾರಿಕಾ ಕಂಪನಿಯೊಂದರ ಮೇಲೆ ಗುರುವಾರ ಆದಾಯ ತೆರಿಗೆ ಇಲಾಖೆ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ.

ಕರ್ನಾಟಕ, ಜಾರ್ಖಂಡ್‌ ರಾಜ್ಯದ ತೆರಿಗೆ ಇಲಾಖೆ ಅಧಿಕಾರಿಗಳ ತಂಡ ಗುರುವಾರ ಬೆಳಗ್ಗೆಯೇ ನಗರದ ಉದ್ಯಮಬಾಗದಲ್ಲಿರುವ ಕಂಪನಿ ಮೇಲೆ ದಾಳಿ ನಡೆಸಿದೆ. 25ಕ್ಕೂ ಹೆಚ್ಚು ಅಧಿಕಾರಿಗಳ ಈ ತಂಡ ಗುರುವಾರ ತಡ ರಾತ್ರಿವರೆಗೂ ತನಿಖೆ ಮುಂದುವರಿಸಿದೆ. ಧಾರವಾಡ ಸೇರಿದಂತೆ ಇತರ ಜಿಲ್ಲೆಯ ಪಾಸಿಂಗ್‌ ಹೊಂದಿದ ವಾಹನಗಳಲ್ಲಿಐಟಿ ಅಧಿಕಾರಿಗಳು ಆಗಮಿಸಿದ್ದಾರೆ.

ಕಂಪನಿ ಸುತ್ತಲೂ ಬಂದೋಬಸ್‌್ತ ಹಾಕಿ ತನಿಖೆ ನಡೆಸಲಾಗಿದೆ. ವಿದೇಶಗಳಿಗೆ ಹೆಲ್ಮೆಟ್‌ ರಫ್ತು ಮಾಡುತ್ತಿದ್ದ ಈ ಕಂಪನಿ ಮೇಲೆ ದಾಳಿ ನಡೆದಿರುವುದು ನಗರದಲ್ಲಿತೀವ್ರ ಚರ್ಚೆಗೆ ಕಾರಣವಾಗಿದೆ.