ಚನ್ನಮ್ಮನ ಕಿತ್ತೂರು: ನಾನಾ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಜೆಡಿಎಸ್‌ ಕಾರ್ಯಕರ್ತರ ಮನವಿ

ಚನ್ನಮ್ಮನ ಕಿತ್ತೂರು: ಎಪಿಎಮ್‌ಸಿ ಕಾಯ್ದೆ ತಿದ್ದುಪಡಿ ವಾಪಸ್‌, ಕಬ್ಬಿನ ಬಾಕಿ ಬಿಲ್‌ ಬಿಡುಗಡೆ ಸೇರಿದಂತೆ ನಾನಾ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಪಟ್ಟಣದಲ್ಲಿ ಸೋಮವಾರ ಜೆಡಿಎಸ್‌ ಕಾರ್ಯಕರ್ತರು ತಹಸೀಲ್ದಾರ ಮುಖಾಂತರ ಮುಖ್ಯಮಂತ್ರಿ ಅವರಿಗೆ ಮನವಿ ಸಲ್ಲಿಸಿದರು.

ಡೀಸೆಲ್‌ ಮತ್ತು ಪೆಟ್ರೋಲ್‌ ಬೆಲೆಯನ್ನು ಕಡಿಮೆ ಮಾಡಬೇಕು. ಭೂ ಸುಧಾರಣೆ ಮತ್ತು ಕೃಷಿ ಮಾರುಕಟ್ಟೆ ಕಾನೂನು ತಿದ್ದಪಡಿ ಕಾಯ್ದೆ ವಾಪಸ್‌ ತೆಗೆದುಕೊಳ್ಳಬೇಕು. ಮಳೆ, ಪ್ರವಾಹ ಸಂತ್ರಸ್ತರಿಗೆ ಪರಿಹಾರ ಬಿಡುಗಡೆ ಮಾಡಬೇಕು. ರೈತರ ಬಾಕಿ ಇರುವ ಕಬ್ಬಿನ ಬಿಲ್‌ ನೀಡುವುದು ಸೇರಿದಂತೆ ಅನೇಕ ಬೇಡಿಕೆಗಳ ಈಡೇರಿಕೆಗೆ ಮನವಿಯಲ್ಲಿಒತ್ತಾಯಿಸಲಾಗಿದೆ.

ಪಕ್ಷದ ಅಲ್ಪಸಂಖ್ಯಾತ ಘಟಕದ ರಾಜ್ಯಾಧ್ಯಕ್ಷ ನಾಸೀರ ಭಾಗವಾನ, ಜಿಲ್ಲಾಧ್ಯಕ್ಷ ಶಂಕರ ಮಾಡಲಗಿ, ತಾಲೂಕಾಧ್ಯಕ್ಷ ಮಹೇಶ ಹುದಲಿ, ನಿಂಗಪ್ಪ ಹಣಜಿ, ಹುಮಾಯೂನ್‌ ಹುನಸಿಕಟ್ಟಿ, ಕಲ್ಮೇಶ ನಾಡಗೌಡ, ಅಶೋಕ ಹಲಕಿ, ಕಲ್ಲಪ್ಪ, ಶೋಭಾ, ಉಮಾ ಮತ್ತಿತರರು ಇದ್ದರು.