ಖಾನಾಪುರ: ಶಾಂತವಾದ ಮಳೆ

ಖಾನಾಪುರ: ಜು.6ರಿಂದ ಮಂಗಳವಾರದವರೆಗೆ ಬಿಟ್ಟೂ ಬಿಡದೇ ಸುರಿದು ಹಲವು ಅವಾಂತರಗಳನ್ನು ಸೃಷ್ಟಿಸಿದ್ದ ಮಳೆ ಬುಧವಾರ ಶಾಂತಗೊಂಡಿದೆ. ಆದರೆ, ಸತತ ಮಳೆಯ ಕಾರಣ ನದಿಗಳು ಹಾಗೂ ಹಳ್ಳ-ಕೊಳ್ಳಗಳು ಇನ್ನೂ ತುಂಬಿ ಹರಿಯುತ್ತಿವೆ. ಹಬ್ಬನಹಟ್ಟಿ ಬಳಿಯ ಆಂಜನೇಯ ಮತ್ತು ಇಟಗಿ ಬಳಿಯ ಮರುಳ ಶಂಕರ ದೇಗುಲಗಳು ಬುಧವಾರವೂ ಮಲಪ್ರಭೆಯಲ್ಲಿ ಮುಳುಗಿದ ಸ್ಥಿತಿಯಲ್ಲಿವೆ.

ಜೂನ್‌ ತಿಂಗಳಿನಿಂದ ಜುಲೈ 18ರವರೆಗೆ ತಾಲೂಕಿನ ವಿವಿಧೆಡೆ ಮಳೆಯಿಂದಾಗಿ ಒಟ್ಟು 53 ಮನೆಗಳಿಗೆ ಹಾನಿಯಾಗಿದೆ ಎಂದು ತಾಲೂಕು ಆಡಳಿತ ತಿಳಿಸಿದೆ. ಇವುಗಳ ಪೈಕಿ ಈಗಾಗಲೇ 30ಕ್ಕೂ ಹೆಚ್ಚು ಮನೆಗಳ ಮಾಲೀಕರಿಗೆ ಪರಿಹಾರ ಧನ ವಿತರಿಸಲಾಗಿದೆ. ತಾಲೂಕಿನ ನೀಲಾವಡೆ, ಅಸೋಗಾ, ಶಿಂಗಿನಕೊಪ್ಪ, ಕಸಮಳಗಿ, ಗೋಧೋಳಿ, ಗೋದಗೇರಿ, ಉಮ್ರಪಾಣಿಗಳಲ್ಲಿ ಬುಧವಾರ ತಲಾ ಒಂದೊಂದು ಮನೆಗಳಿಗೆ ಹಾನಿಯಾಗಿದೆ ಎಂದು ಮೂಲಗಳು ತಿಳಿಸಿವೆ.

.

18ಖಾನಾಪುರ3 -