ಬೆಳಗಾವಿ: ಇಲ್ಲಿನ ಅಶೋಕನಗರದಲ್ಲಿ ಗೂಡ್ಸ್‌ ವಾಹನದಲ್ಲಿ ಕುಳಿತಿದ್ದ ಎರಡು ವರ್ಷದ ಬಾಲಕಿಯನ್ನು ಮಂಗಳವಾರ ಅಪಹರಿಸಲಾಗಿದೆ.
ಸುವರ್ಣಾ ಸುರೇಶ ಲಮಾಣಿ (2) ಅಪಹರಣಕ್ಕೆ ಒಳಗಾದ ಬಾಲಕಿ. ಮೂಲತಃ ರಾಮದುರ್ಗ ತಾಲೂಕಿನ ನಾಗನೂರು ತಾಂಡಾದ ಲಮಾಣಿ ಕುಟುಂಬ ಕೂಲಿ ಕೆಲಸಕ್ಕೆಂದು ಬೆಳಗಾವಿ ನಗರಕ್ಕೆ ಬಂದು ಅಶೋಕ ನಗರದಲ್ಲಿ ವಾಸವಾಗಿತ್ತು. ಮಂಗಳವಾರ ಮಧ್ಯಾಹ್ನ ತಮ್ಮದೇ ಗೂಡ್ಸ್‌ ವಾಹನದಲ್ಲಿ ಬಾಲಕಿಯನ್ನು ಕೂರಿಸಿ, ಕೆಲಸದಲ್ಲಿ ತೊಡಗಿಸಿಕೊಂಡಿದ್ದಾಗ ಅಪರಿಚಿತರು ಬಾಲಕಿಯನ್ನು ಅಪಹರಿಸಿದ್ದಾರೆ ಎಂದು ಮಾಳಮಾರುತಿ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಾಗಿದೆ.
ಬಾಲಕಿಯ ಮಾಹಿತಿ ಇದ್ದವರು ಮಾಳಮಾರುತಿ ಪೊಲೀಸ್‌ ಠಾಣೆ ಮೊ.9480804107, ದೂ.0831ಧಿ-2405233ಗೆ ಸಂಪರ್ಕಿಸುವಂತೆ ಪೊಲೀಸ್‌ ಪ್ರಕಟಣೆ ತಿಳಿಸಿದೆ.