ಪಕ್ಷ ಬಿಡಲು ಸಿದ್ದರಾಮಯ್ಯ ಅವರೇ ಮುಖ್ಯ ಕಾರಣ
ನಾವು ಸಿದ್ದರಾಮಯ್ಯ ಸಂತೋಷಕ್ಕೆ ಮಂತ್ರಿ ಆಗಿಲ್ಲ. ಜನತಾ ನ್ಯಾಯಾಲಯದಲ್ಲಿ ನಾವು ಅರ್ಹರಾಗಿದ್ದೇವೆ. ಸಿದ್ದರಾಮಯ್ಯ ನಡೆದುಕೊಂಡು ರೀತಿ ಬೇಜರಾಗಿ ಪಕ್ಷ ಬಿಟ್ಟು ಹೊರಗೆ ಬಂದಿದ್ದೇವೆ ಎಂದು ಸಿದ್ದರಾಮಯ್ಯ ವಿರುದ್ಧ ಬಿಸಿ ಪಾಟೀಲ್‌ ಗುಡುಗಿದರು.
ಕುಮಠಳ್ಳಿಗೆ ಮಂತ್ರಿ ಸ್ಥಾನ ಸಿಗದಿರುವುದು ಬೇಸರವಾಗಿದೆ
ಬಿಎಸ್‌ ಯಡಿಯೂರಪ್ಪ ಮೂರುವರೆ ವರ್ಷ ಮುಖ್ಯಮಂತ್ರಿ ಆಗಿರುತ್ತಾರೆ. ಮಹೇಶ ಕುಮಠಳ್ಳಿಗೆ ಮಂತ್ರಿ ಸ್ಥಾನ ನೀಡದಿರುವುದು ನೋವಾಗಿದೆ. ಮಹೇಶ ಕುಮಠಳ್ಳಿ ಅವರಿಗೆ ಮಂತ್ರಿ ಸ್ಥಾನ ಯಾಕೆ ಕೊಟ್ಟಿಲ್ಲ ಎಂಬುದು ಗೊತ್ತಿಲ್ಲ. ಆದರೆ ಮಹೇಶ್‌ ಮಂತ್ರಿಯಾಗಬೇಕಾಗಿತ್ತು ಎಂದು ಬಿಸಿ ಪಾಟೀಲ್‌ ಹೇಳಿದ್ದಾರೆ.
ಸಿಎಂ ಇಬ್ರಾಹಿಂ ನಾಲಗೆ ಮೇಲೆ ಹಿಡಿತವಿಲ್ಲ
ಮಾಜಿ ಸಚಿವ ಸಿ.ಎಂ ಇಬ್ರಾಹಿಂ ನಾಲಿಗೆ ಮೇಲೆ ಹಿಡಿತವಿಲ್ಲ. ಇಬ್ರಾಹಿಂ ಮಾನಸಿಕ ಅಸ್ವಸ್ಥರಂತೆ ಆಡುತ್ತಿದ್ದಾರೆ. ಒಮ್ಮೆ ಕಾಂಗ್ರೆಸ್ ಪಕ್ಷಕ್ಕೆ ಬೈಯ್ಯುತ್ತಾರೆ. ಅಧಿಕಾರ ಕೊಟ್ಟರೇ ಕಾಂಗ್ರೆಸ್ ಹೊಗಳ್ತಾರೆ. ಇಬ್ರಾಹಿಂಗೆ ಯಾವದರ ಮೇಲೂ ಸಮಾಧಾನ ಇಲ್ಲ. ನಮಗೆ ಬುದ್ದಿ ಹೇಳುವ ನೈತಿಕತೆ ಇಬ್ರಾಹಿಂಗೆ ಇಲ್ಲ. ಭದ್ರಾವತಿಯಿಂದ ಜನರು ಓಡಿಸಿದ್ದಾರೆ. ಇಬ್ರಾಹಿಂ ಗೆ ಎಲ್ಲಿಯೂ ಮನ್ನಣೆ ಇಲ್ಲ. ಏನೇ ಇರಲಿ ಅಂತಾ ಕಾಂಗ್ರೆಸ್ ಪಕ್ಷದಲ್ಲಿ ಜೋಕರ್ ತರಹ ಇಟ್ಟುಕೊಂಡಿದ್ದಾರೆ. ಜನರು ನಗ್ತಾರೆ ಅಂತಾ ಮಾತನಾಡುತ್ತಾರೆ. ಆದ್ರೆ ಯಾವುದೇ ಮತಗಳಾಗಿ ಪರಿವರ್ತನೆ ಆಗಲ್ಲ ಎಂದು ಬಿಸಿ ಪಾಟೀಲ್‌ ತಿಳಿಸಿದರು.
ಡಿಸಿಎಂ ಹುದ್ದೆ ಬಗ್ಗೆ ನಮ್ಮಲ್ಲಿ ಚರ್ಚೆ ಆಗಿಲ್ಲ
ಖಂಡಿತವಾಗಿಯು ಡಿಸಿಎಂ ಲಕ್ಷ್ಮಣ ಸವದಿ ಆಯ್ಕೆ ಆಗ್ತಾರೆ. ಡಿಸಿಎಂ ಹುದ್ದೆ ಬಗ್ಗೆ ನಮ್ಮ ಗುಂಪಿನಲ್ಲಿ ಚರ್ಚೆ ಆಗಿಲ್ಲ. ಎಂದು ನೂತನ ಸಚಿವ ಬಿಸಿ ಪಾಟೀಲ್‌ ತಿಳಿಸಿದರು.