ಸರಕಾರ ಇನ್ನಷ್ಟು ಇಂಗ್ಲಿಷ್‌ ಪಬ್ಲಿಕ್‌ ಶಾಲೆ ಆರಂಭಿಸಲಿ

ರಾಯಬಾಗ : ರಾಜ್ಯ ಸರಕಾರ ಕನ್ನಡ ಶಾಲೆಗಳಲ್ಲಿ ಎಲ್‌ಕೆಜಿ ಮತ್ತು ಒಂದನೇ ವರ್ಗದಿಂದ ಆಂಗ್ಲ ಮಾಧ್ಯಮ ಆರಂಭಿಸಿರುವುದು ಒಳ್ಳೆಯ ಸಂಗತಿ. ಒಂದು ವಿಧಾನಸಭಾ ಕ್ಷೇತ್ರದಲ್ಲಿ ಕೇವಲ ನಾಲ್ಕು ಇಂಗ್ಲಿಷ್‌ ಪಬ್ಲಿಕ್‌ ಶಾಲೆಗಳನ್ನು ಆರಂಭಿಸಲಾಗಿದ್ದು, ಇನ್ನೂ ಹೆಚ್ಚಿನ ಸಂಖ್ಯೆಯಲ್ಲಿ ಆಂಗ್ಲ ಮಾಧ್ಯಮ ಶಾಲೆ ಆರಂಭಿಸಬೇಕು ಶಾಸಕ ಡಿ.ಎಂ.ಐಹೊಳೆ ಸರಕಾರವನ್ನು ಒತ್ತಾಯಿಸಿದರು.

ಮಂಗಳವಾರ ಪಟ್ಟಣದ ಕೇಂದ್ರ ಶಾಲೆಯಲ್ಲಿ ಎಲ್‌ಕೆಜಿ ಮತ್ತು ಒಂದನೇ ವರ್ಗದ ಆಂಗ್ಲ ಮಾಧ್ಯಮ ವಿಭಾಗ (ಕರ್ನಾಟಕ ಪಬ್ಲಿಕ್‌ ಸ್ಕೂಲ್‌) ಉದ್ಘಾಟಿಸಿ ಮಾತನಾಡಿದ ಅವರು, ಸರಕಾರಿ ಶಾಲೆಗಳಲ್ಲಿ ಕಲಿಯುತ್ತಿರುವ ವಿದ್ಯಾರ್ಥಿಗಳಿಗೆ ಪಠ್ಯ ಪುಸ್ತಕ, ಬಟ್ಟೆ, ಮಧ್ಯಾಹ್ನದ ಬಿಸಿಯೂಟ ಸೇರಿದಂತೆ ಎಲ್ಲ ಸೌಲಭ್ಯ ನೀಡಲಾಗುತ್ತಿದೆ. ವಿದ್ಯಾರ್ಥಿಗಳಿಗೆ ಒಳ್ಳೆ ಗುಣಮಟ್ಟದ ಶಿಕ್ಷ ಣ ನೀಡುವಲ್ಲಿ ಶಿಕ್ಷ ಕರು ಹೆಚ್ಚಿನ ಗಮನ ನೀಡಬೇಕು ಎಂದರು.

ತಾಪಂ ಅಧ್ಯಕ್ಷೆ ಸುಜಾತಾ ಪಾಟೀಲ ಮಾತನಾಡಿ, ಸಮಾಜದಲ್ಲಿ ಸಮಾನತೆ ತರಲು ಸರಕಾರಿ ಶಾಲೆಗಳಲ್ಲಿ ಆಂಗ್ಲ ಮಾಧ್ಯಮ ಶಾಲೆಯನ್ನು ಸರಕಾರ ಆರಂಭಿಸಿದೆ ಎಂದರು.

ತಹಸೀಲ್ದಾರ ಡಿ.ಎಚ್‌.ಕೋಮರ ಅಧ್ಯಕ್ಷ ತೆ ವಹಿಸಿದ್ದರು. ಬಿಇಒ ಎಚ್‌.ಎ.ಭಜಂತ್ರಿ, ಎಸ್‌ಡಿಎಂಸಿ ಅಧ್ಯಕ್ಷ ಚಂದ್ರಕಾಂತ ಮಡಿವಾಳ, ಸದಾನಂದ ಹಳಿಂಗಳಿ, ಮಾರುತಿ ನಾಯಿಕ, ಐ.ಆರ್‌.ನದಾಫ, ವಿಶ್ವನಾಥ ಹಾರೂಗೇರಿ, ಸದಾಶಿವ ಘೋರ್ಪಡೆ, ಎಸ್‌.ಡಿ.ಮಸನಾಯಿಕ, ಡಿ.ಎಸ್‌.ಡಿಗ್ರಜ, ಭಾರತಿ ಜಾಧವ, ಅಶೋಕ ಅಂಗಡಿ, ಅಮೋಘ ನಾಯಿಕ, ಡಿ.ಎಸ್‌.ಮಾಡಲಗಿ ಸೇರಿದಂತೆ ಇತರರು ಉಪಸ್ಥಿತರಿದ್ದರು.