ಎಂಇಎಸ್‌, ಶಿವಸೇನೆ ನಿಷೇಧಕ್ಕೆ ರಕ್ತದಲ್ಲಿಪತ್ರ

ಬೆಳಗಾವಿ: ಮಹಾರಾಷ್ಟ್ರ ಏಕೀಕರಣ ಸಮಿತಿ (ಎಂಇಎಸ್‌) ಮತ್ತು ಶಿವಸೇನೆ ಸಂಘಟನೆಯನ್ನು ನಿಷೇಧಿಸುವಂತೆ ಒತ್ತಾಯಿಸಿ ಸೋಮವಾರ ಕರ್ನಾಟಕ ನವನಿರ್ಮಾಣ ಸೇನೆ ಕಾರ್ಯಕರ್ತರು ಗಡಿ ಮತ್ತು ನದಿಗಳ ರಕ್ಷಣಾ ಆಯೋಗದ ಅಧ್ಯಕ್ಷರಿಗೆ ರಕ್ತದಲ್ಲಿಬರೆದ ಮನವಿಪತ್ರ ನೀಡಿದರು.

''ಗಡಿ ರಕ್ಷಣೆಗಾಗಿ ಆಯೋಗ ರಚನೆಯಾದ ದಿನದಿಂದಲೂ ಅದರ ಸಾಧನೆ ಶೂನ್ಯವಾಗಿದೆ. ವಿವಾದಕ್ಕೆ ಸಂಬಂಧಿಸಿದಂತೆ ನ್ಯಾಯಾಲಯಕ್ಕೆ ದಾಖಲೆ ಸಲ್ಲಿಸುವಲ್ಲೂಆಯೋಗದ ಕೆಲಸ ತೃಪ್ತಿಕರವಾಗಿಲ್ಲ. ಇದರ ನಡುವೆ ಎಂಇಎಸ್‌ ಮತ್ತು ಶಿವಸೇನೆ ಭಾಷಾ ಸೌಹಾರ್ದ ಹಾಳು ಮಾಡುತ್ತಿವೆ'', ಎಂದು ಕಾರ್ಯಕರ್ತರು ದೂರಿದರು.

ಆದರೆ ಮನವಿ ಸ್ವೀಕರಿಸಿ ಭರವಸೆ ನೀಡುವ ಅಧಿಕಾರ ತಮ್ಮ ಕಾರ್ಯವ್ಯಾಪ್ತಿಗೆ ಬರುವುದಿಲ್ಲಎಂದು ಮನವಿ ಸ್ವೀಕರಿಸಲು ಆಯೋಗದ ಅಧ್ಯಕ್ಷ ಕೆ.ಎಲ್‌.ಮಂಜುನಾಥ್‌ ನಿರಾಕರಿಸಿದರು. ಹೀಗಾಗಿ, ಕಾರ್ಯಕರ್ತರು ಪಕ್ಕದಲ್ಲಿದ್ದ ಜಿಲ್ಲಾಧಿಕಾರಿ ಡಾ.ಎಸ್‌.ಬಿ.ಬೊಮ್ಮನಹಳ್ಳಿ ಅವರಿಗೆ ರಕ್ತದಲ್ಲಿಬರೆದ ಪತ್ರದ ಜತೆಗೆ ಲಿಖಿತ ಮನವಿ ಸಲ್ಲಿಸಿದರು. ಸಂಘಟನೆ ಜಿಲ್ಲಾಧ್ಯಕ್ಷ ಬಾಬು ಸಂಗೋಡಿ ಸೇರಿದಂತೆ ಇತರರು ಇದ್ದರು.