ಪರವಾನಗಿ ಇಲ್ಲದ ರಸಗೊಬ್ಬರ ಮಳಿಗೆಗೆ ಬೀಗ

ತೆಲಸಂಗ: ಗ್ರಾಮದಲ್ಲಿಪರವಾನಗಿ ಇಲ್ಲದೇ ನಡೆಸುತ್ತಿದ್ದ ಕೀಟನಾಶಕ ಮತ್ತು ರಸಗೊಬ್ಬರ ಮಾರಾಟ ಮಳಿಗೆಯೊಂದಕ್ಕೆ ಬೀಗ ಜಡಿದ ಅಧಿಕಾರಿಗಳು, ನಿಯಮ ಪಾಲಿಸದೇ ಇರುವ ಮೂರು ಅಂಗಡಿಗಳಿಗೆ ನೋಟಿಸ್‌ ನೀಡಿದ್ದಾರೆ.

ಕೃಷಿ ಇಲಾಖೆಯ ಜಾರಿದಳದ ಅಧಿಕಾರಿಗಳು ದಾಳಿ ನಡೆಸಿ,ಸರಕಾರದ ನಿಯಮ ಉಲ್ಲಂಘನೆ ಮಾಡಿ ವ್ಯಾಪಾರ ನಡೆಸುತ್ತಿದ್ದ ಮೂರು ಮಳಿಗೆಗಳಿಗೆ ನೋಟಿಸ್‌ ನೀಡಿ ಕಾನೂನು ಪಾಲಿಸುವಂತೆ ಎಚ್ಚರಿಸಿದರು.

ಲೈಸೆನ್ಸ್‌ ಇಲ್ಲದ ಕೀಟನಾಶಕ ಮಾರಾಟ, ಅನಧಿಕೃತ, ಸರಕಾರ ಪರೀಕ್ಷಿಸದ, ಮಾನ್ಯತೆ ಹೊಂದದ ಜೈವಿಕ ರಸಗೊಬ್ಬರ ಮಾರಾಟ, ದರ ಪಟ್ಟಿ ಲಗತ್ತಿಸದ, ಮಾರಾಟ ದಾಸ್ತಾನು ಸಹಿ ಮತ್ತು ನೋಂದಣಿ ಪುಸ್ತಕ ನಿರ್ವಹಣೆ ಮಾಡದ, ಪೋಸ್‌ ಯಂತ್ರದ ಮೂಲಕ ಬಿಲ್‌ ನೀಡದಿರುವ ಮಳಿಗೆಗಳ ಮಾಲೀಕರಿಗೆ ನೋಟಿಸ್‌ ನೀಡಲಾಯಿತು.

ಸಹಾಯಕ ಕೃಷಿ ನಿರ್ದೇಶಕ ಆರ್‌.ಬಿ. ಪಾಟೀಲ, ಜಾರಿದಳದ ಬೆಳಗಾವಿ ಅಧಿಕಾರಿ ಆರ್‌.ಬಿ. ನಾಯಕರ್‌, ಸಹಾಯಕ ಕೃಷಿ ನಿರ್ದೇಶಕ ಸಿ.ಐ. ಹೂಗಾರ, ಅಥಣಿ ಸಹಾಯಕ ಕೃಷಿ ನಿರ್ದೇಶಕಿ ಜಯಶ್ರೀ ಹಿರೇಮಠ, ತೆಲಸಂಗ ಕೃಷಿ ಅಧಿಕಾರಿ ಯಂಕಪ್ಪ ಉಪ್ಪಾರ, ಮತ್ತಪ್ಪ ಕಡಪಟ್ಟಿ ಸೇರಿದಂತೆ ಅನೇಕರು ಇದ್ದರು.