20 ಜನರ ಪ್ರಾಣ ಉಳಿಸಿ ಹುತಾತ್ಮನಾದ ಬೆಳಗಾವಿ ಯೋಧ

ಬೆಳಗಾವಿ: ಹ್ಯಾಂಡ್ ಗ್ರೆನೇಡ್ ಸ್ಪೋಟಗೊಳ್ಳುವ ಸಮಯದಲ್ಲಿ ಗ್ರೆನೇಡ್ ಸಮೇತ ಕಂಟೇನರ್‌ನಿಂದ ಹೊರ ಜಿಗಿಯುವ ಮೂಲಕ ಸುಮಾರು 20 ಜನರ ಜೀವ ಕಾಪಾಡಿ, ವೀರ ಯೋಧನೊಬ್ಬ ಹುತಾತ್ಮನಾಗಿರುವ ಘಟನೆ ಶನಿವಾರ ಸಂಜೆ ನಾಗಂಪಾಲ್‌ನಲ್ಲಿ ನಡೆದಿದೆ.

ಜಿಲ್ಲೆಯ ಗೋಕಾಕ ಪಟ್ಟಣದ ನಿವಾಸಿಯಾಗಿರುವ ಉಮೇಶ್ ಹೆಳವರ್ (35) ಹುತಾತ್ಮ ಯೋಧರಾಗಿದ್ದು, ಮಣಿಪುರ ರಾಜ್ಯದ ಇಂಫಾಲ್‌ನಲ್ಲಿ ಸೇವೆ ಸಲ್ಲಿಸುತ್ತಿದ್ದರು.

ಗ್ರೆನೇಡ್ ಸ್ಪೋಟಗೊಳ್ಳುವ ಸಂದರ್ಭದಲ್ಲಿ ಗ್ರೆನೇಡ್ ಸಮೇತ ಕಂಟೇನರ್‌ನಿಂದ ಹೊರ ಹಾರುವ ಮೂಲಕ 20 ಜನರ ಜೀವ ಉಳಿಸಿ, ತಮ್ಮ ಪ್ರಾಣ ತ್ಯಾಗ ಮಾಡಿದ್ದಾರೆ ಉಮೇಶ್ ಹೆಳವರ್.

ವೀರ ಯೋಧನ ಪಾರ್ಥಿವ ಶರೀರ್ ಭಾನುವಾರ ಗೋಕಾಕ ಪಟ್ಟಣಕ್ಕೆ ಆಗಮಿಸುವ ಸಾಧ್ಯತೆ ಇದ್ದು, ಯೋಧನ ಕುಟುಂಬ ಶೋಕ ಸಾಗರದಲ್ಲಿ ಮುಳುಗಿದೆ.