ರಾತ್ರಿ 10 ಗಂಟೆಗೆ ಧಾಬಾ ಬಂದ್‌ ಮಾಡಲು ಮನವಿ

ಹಿರೇಬಾಗೇವಾಡಿ: ಧಾಬಾಗಳಲ್ಲಿಪದೇ ಪದೆ ಗಲಾಟೆ ನಡೆಯುತ್ತಿರುವ ಹಿನ್ನೆಲೆಯಲ್ಲಿರಾತ್ರಿ 10 ಗಂಟೆಯ ನಂತರ ಧಾಬಾ, ಹೊಟೇಲ್‌ಗಳನ್ನು ಮುಚ್ಚಲು ಕ್ರಮ ಕೈಗೊಳ್ಳಬೇಕು ಎಂದು ಗುರುವಾರ ಹಿರೇಬಾಗೇವಾಡಿ ಠಾಣೆಗೆ ಭೇಟಿ ನೀಡಿದ ಸ್ಥಳೀಯರು ಒತ್ತಾಯಿಸಿದರು.

ತಡರಾತ್ರಿ ವರೆಗೂ ಧಾಬಾಗಳು ತೆರೆದು ಇರುವುದರಿಂದ ಅಲ್ಲಿಸೇರಿದ ಜನ ಗಲಾಟೆ ಮಾಡುತ್ತಾರೆ. ಈಚೆಗೆ ಕಳ್ಳತನದ ಪ್ರಕರಣಗಳೂ ಹೆಚ್ಚಿವೆ. ಕಳ್ಳರು ಧಾಬಾಗಳಲ್ಲಿಗ್ರಾಹಕರಂತೆ ಬಂದು ಕಳ್ಳತನ ಮಾಡುವ ಸಾಧ್ಯತೆಯಿದೆ. ಹೊರಗಿನಿಂದ ಬರುವ ಜನರಿಂದ ಧಾಬಾಗಳಲ್ಲಿಗಲಾಟೆಯಾಗುತ್ತದೆ ಎಂದು ಗಮನ ಸೆಳೆದರು. ಪಿಎಸ್‌ಐ ಅಯೂಬಖಾನ ಪಠಾಣ ಪ್ರತಿಕ್ರಿಯಿಸಿ, ಧಾಬಾ ಮತ್ತು ಕೈಗಾಡಿ ಅಂಗಡಿಗಳನ್ನು ರಾತ್ರಿ 10 ಗಂಟೆಗೆ ಬಂದ್‌ ಮಾಡಲು ಸೂಚಿಸಲಾಗುವುದು ಎಂದರು. ಸಿಪಿಐ ಎನ್‌.ಎನ್‌.ಅಂಬಿಗೇರ ಮಾತನಾಡಿ, ಕಾನೂನು ಸುವ್ಯವಸ್ಥೆ ಕಾಪಾಡಲು ಎಲ್ಲರೂ ಸಹಕಾರ ನೀಡಬೇಕು ಎಂದರು. ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಸಿ.ಸಿ. ಪಾಟೀಲ, ಪ್ರಶಾಂತ ದೇಸಾಯಿ, ಕಾದ್ರಿ ದರ್ಗಾದ ಅಶ್ರಫ್‌ ಅಜ್ಜ, ಗ್ರಾಮ ಪಂಚಾಯಿತಿ ಸದಸ್ಯ ಗೌಸಮೋದ್ದೀನ್‌ ಜಾಲಿಕೊಪ್ಪ, ಬಸನಗೌಡ ಪಾಟೀಲ, ಅನಿಲ ಪಾಟೀಲ, ನಿಂಗಪ್ಪ ತಳವಾರ, ಮಹಾಂತೇಶ ಹಂಚಿನಮನಿ ಇತರರು ಇದ್ದರು.