ಬೇಡಿಕೆ ಈಡೇರಿಕೆಗಾಗಿ ಪ್ರಧಾನಿಗೆ ಅಂಚೆ ನೌಕರರ ಮನವಿ

ರಾಯಬಾಗ: ನಾನಾ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಪಟ್ಟಣದ ಪ್ರಧಾನ ಅಂಚೆ ಕಚೇರಿ ಎದುರು ಗ್ರಾಮೀಣ ಅಂಚೆ ನೌಕರರು ನಡೆಸುತ್ತಿರುವ ಅನಿರ್ಧಿಷ್ಟಾವಧಿ ಮುಷ್ಕರ 14ನೇ ದಿನಕ್ಕೆ ಕಾಲಿಟ್ಟ ಹಿನ್ನೆಲೆಯಲ್ಲಿ ಶಾಸಕ ಡಿ.ಎಂ. ಐಹೊಳೆ ಅವರ ಮೂಲಕ ಪ್ರಧಾನಿ ನರೇಂದ್ರ ಮೋದಿ ಹಾಗೂ ಕೇಂದ್ರ ಸಂಪರ್ಕ ಸಚಿವ ಮನೋಜ್‌ ಸಿನ್ಹಾ ಅವರಿಗೆ ಪ್ರತಿಭಟನಕಾರರು ಮನವಿ ಸಲ್ಲಿಸಿದರು.

ಗ್ರಾಮೀಣ ಅಂಚೆ ಇಲಾಖೆಯ ನೌಕರರಿಗೆ 7ನೇ ವೇತನ ನೀಡಬೇಕು. ಸೇವಾ ಭದ್ರತೆ ಒದಗಿಸಬೇಕು. ವೈದ್ಯಕೀಯ ನೆರವು ನೀಡಬೇಕು, ಪಿಂಚಣಿ ಸೇರಿದಂತೆ ಎಲ್ಲ ಸೌಲಭ್ಯಗಳನ್ನು ನೀಡಬೇಕೆಂಬ ವಿಷಯನ್ನೊಳಗೊಂಡ ಮನವಿ ಸಲ್ಲಿಸಿಲಾಯಿತು.

ಈ ಸಂದರ್ಭದಲ್ಲಿ ಅಖಿಲ ಭಾರತ ಗ್ರಾಮೀಣ ಅಂಚೆ ನೌಕರರ ಸಂಘದ ಉಪಾಧ್ಯಕ್ಷ ವಿನಾಯಕ ಲೇಲೆ, ರವಿ ರಂಗೋಳೆ, ಆರ್‌.ಎಂ.ಕಾಂಬಳೆ, ಎಸ್‌.ಎಸ್‌.ಶಮನೇವಾಡಿ, ಮಹಾದೇವ ಜೋರಾಪುರೆ, ಲಕ್ಷ್ಮೀಕಾಂತ ಮುಳೆ, ಅಶೋಕ ದೇಶಪಾಂಡೆ, ವಿಜಯ ಕೆಳಗಡೆ, ಎಸ್‌.ಎಲ್‌.ನಿಲಜಗಿ ಅಶೋಕ ಮಗದುಮ್ಮ, ಇಸ್ಮಾಯಿಲ್‌ ಮಕಾಂದಾರ, ದಿಲೀಪ ಕಾಂಬಳೆ, ಚೇತನ ಮೋರೆ, ತಾನಾಜಿ ಹೊಸಕೋಟೆ ಮತ್ತಿತರರು ಇದ್ದರು.