ಸಮ್ಮೇದ ಶಿಖರಜಿ ಪಾವಿತ್ರ್ಯ ಉಳಿಸಲು ಆಗ್ರಹಿಸಿ ಮನವಿ

ರಾಯಬಾಗ : ಜೈನ ಧರ್ಮದ ಪವಿತ್ರ ಕ್ಷೇತ್ರವಾಗಿರುವ ಜಾರ್ಖಂಡ್‌ ರಾಜ್ಯದ ಗಿರಡಿ ಜಿಲ್ಲೆಯಲ್ಲಿರುವ ಸಮ್ಮೇದ ಶಿಖರಜಿಯ ಪವಿತ್ರತೆ ಉಳಿಸುವಂತೆ ಆಗ್ರಹಿಸಿ ತಾಲೂಕಿನ ಜೈನ ಸಮುದಾಯದವರು ಸಮುದಾಯದ ಅಧ್ಯಕ್ಷ ಡಿ.ಸಿ.ಸದಲಗಿ ನೇತೃತ್ವದಲ್ಲಿ ತಹಸೀಲ್ದಾರ್‌ ಡಿ.ಎಸ್‌ ಜಮಾದಾರ ಮೂಲಕ ಪ್ರಧಾನ ಮಂತ್ರಿಗಳು, ಮುಖ್ಯಮಂತ್ರಿಗಳು ಹಾಗೂ ಜಾರ್ಖಂಡ್‌ ಮುಖ್ಯಮಂತ್ರಿಗಳಿಗೆ ಮನವಿ ಸಲ್ಲಿಸಲಾಯಿತು.

ಮಂಗಳವಾರ ಪಟ್ಟಣದ ಜೈನ ಬಸದಿಯಿಂದ ಜೈನ ಸಮುದಾಯದವರು ಶಿಖರಜಿಯ ಪವಿತ್ರತೆಯನ್ನು ಕಾಪಾಡುವಂತೆ ಘೋಷಣೆಗಳನ್ನು ಕೂಗುತ್ತ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿ ಅಭಾಜಿ ವೃತ್ತದ ಬಳಿ ಮನವಿ ಸಲ್ಲಿಸಿದರು.

ಡಿ.ಸಿ.ಸದಲಗಿ, ಪಾರೀಸ ಉಗಾರೆ, ಶಾಂತಿನಾಥ ಶೆಟ್ಟಿ ಮಾತನಾಡಿದರು. ಡಿಕೆಎಸ್‌ಕೆ ನಿರ್ದೇಶಕ ಭರತೇಶ ಬನವಣೆ, ದಶರಥ ಶೆಟ್ಟಿ, ಈರಗೌಡಾ ಪಾಟೀಲ, ಡಾ.ಅಜಿತ ನಾಯಿಕ, ಜಿನ್ನಪ್ಪ ಶೆಟ್ಟಿ, ಅನಿಲ ಶೆಟ್ಟಿ, ಸಿದ್ದಪ್ಪ ನಾಗನೂರ, ಶೀತಲ ಬೆಡಕಿಹಾಳೆ, ಬಾಹುಬಲಿ ಪಾಟೀಲ, ರಾಜು ಜೋಕೆ, ವೈಭವ ಮಹಾಜನ ಸೇರಿದಂತೆ ಹಾರೂಗೇರಿ, ಮುಗಳಖೋಡ, ಅಳಗವಾಡಿ, ನಸಲಾಪುರ, ಸವದತ್ತಿ, ಗ್ರಾಮಗಳ ಜೈನ ಸಮುದಾಯ ಬಾಂಧವರು ಉಪಸ್ಥಿರಿದ್ದರು.