ಸಚಿವ ಶ್ರೀಮಂತ ಪಾಟೀಲರಿಂದ ಶಿರಗುಪ್ಪಿ ಕೋವಿಡ್‌ ಕೇರ್‌ ಸೆಂಟರ್‌ ಪರಿಶೀಲನೆ

ಕಾಗವಾಡ: ತಾಲೂಕಿನ ಶಿರಗುಪ್ಪಿ ಗ್ರಾಮದಲ್ಲಿಆರಂಭಿಸಿದ 60 ಬೆಡ್‌ಗಳ ಕೋವಿಡ್‌ ಸೆಂಟರ್‌ಗೆ ಮಂಗಳವಾರ ಜವಳಿ ಸಚಿವ ಶ್ರೀಮಂತ ಪಾಟೀಲ ಭೇಟಿ ನೀಡಿ ಪರಿಶೀಲಿಸಿದರು.

ಕಾಗವಾಡ ಹಾಗೂ ಸುತ್ತಲಿನ ಪ್ರದೇಶದಲ್ಲಿಕೊರೊನಾ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿದೆ. ಹೀಗಾಗಿ ಕೋವಿಡ್‌ ಕೇರ್‌ ಸೆಂಟರ್‌ ಆರಂಭಿಸಲಾಗಿದೆ. ಸೋಂಕಿತರಿಗೆ ಚಿಕಿತ್ಸೆ ನೀಡಲು ವ್ಯವಸ್ಥೆ ಮಾಡಲಾಗಿದ್ದುಯಾರೂ ಹೆದರಬೇಕಿಲ್ಲಎಂದು ಸಚಿವರು ಈ ವೇಳೆ ಹೇಳಿದರು.

ತಹಸೀಲ್ದಾರ ಪ್ರಮೀಳಾ ದೇಶಪಾಂಡೆ ಮಾತನಾಡಿ, ಕಾಗವಾಡ ಮಾತ್ರವಲ್ಲದೇ ಮದಬಾವಿಯ ಮೊರಾರ್ಜಿ ವಸತಿ ಶಾಲೆಯಲ್ಲಿ100 ಬೆಡ್‌ಗಳ ಕೋವಿಡ್‌ ಸೆಂಟರ್‌ ಆರಂಭಿಸಲಾಗುವುದು. ಇದರಿಂದ ಸೋಂಕಿತರನ್ನು ಜಿಲ್ಲಾಸ್ಪತ್ರೆಗೆ ಸಾಗಿಸುವ ವಿಳಂಬ ತಪ್ಪಲಿದೆ ಎಂದರು.

ಮುಖಂಡರಾದ ರಾಮಗೌಡಾ ಪಾಟೀಲ ಮಾತನಾಡಿ, ಕೋವಿಡ್‌ ಕೇರ್‌ ಸೆಂಟರ್‌ ಸೌಲಭ್ಯಗಳ ಕುರಿತು ಮಾಹಿತಿ ನೀಡಿದರು. ಕೆಂಪವಾಡ ಸಕ್ಕರೆ ಕಾರ್ಖಾನೆ ಎಂ.ಡಿ. ಶ್ರೀನಿವಾಸ ಪಾಟೀಲ, ಉಪತಹಸೀಲ್ದಾರ ವಿಜಯ ಚೌಗುಲೆ, ಕಂದಾಯ ನೀರಿಕ್ಷಕ ಎಸ್‌.ಬಿ.ಮುಲ್ಲಾ, ಶಿವಾನಂದ ಪಾಟೀಲ, ವಿಜಯ ಅಕಿವಾಟೆ, ನ್ಯಾಯವಾದಿ ಅಭಯಕುಮಾರ ಅಕಿವಾಟೆ, ಸುಭಾಷ ಮೋನೆ, ಬೊಮ್ಮನ್ನಾ ಚೌಗುಲೆ, ಪದ್ಮಣ್ಣಾ ಅಕಿವಾಟೆ ಇತರರು ಇದ್ದರು.