ಬೆಳಗಾವಿಯಲ್ಲಿ ಬೆತ್ತಲೆಯಾಗಿ ಸ್ಕೂಟಿ ಓಡಿಸಿದ್ದು ಅವಳಲ್ಲ,...

ಬೆಳಗಾವಿ: ರಾಜ್ಯಾದ್ಯಂತ ಸಂಚಲನ ಸೃಷ್ಟಿಸಿದ್ದ ಬೆತ್ತಲೆಯಾಗಿ ಬೈಕ್‌ ಓಡಿಸಿದ ಪ್ರಕರಣವನ್ನು ನಗರದ ಪೊಲೀಸರು ಕೊನೆಗೂ ಭೇದಿಸಿದ್ದಾರೆ.

''ಬೈಕ್‌ ಓಡಿಸಿದ್ದು ಯುವತಿಯಲ್ಲ, ತೃತೀಯ ಲಿಂಗಿ'', ಎಂದು ನಗರದ ಪೊಲೀಸ್‌ ಆಯುಕ್ತ ಬಿ.ಎಸ್‌. ಲೋಕೇಶ್‌ಕುಮಾರ ಮಂಗಳವಾರ ತಿಳಿಸಿದ್ದಾರೆ.

ಬೆತ್ತಲೆಯಾಗಿ ಸ್ಕೂಟಿ ಚಲಾಯಿಸಿದ ಯುವತಿಯ ವೀಡಿಯೋ ವೈರಲ್

ಆ.13 ರಂದು ರಾತ್ರಿ 10.30ಕ್ಕೆ ನಗರದ ರಸ್ತೆಯೊಂದರಲ್ಲಿ ಯುವತಿಯೊಬ್ಬಳು ನಗ್ನಳಾಗಿ ಬೈಕ್‌ ಓಡಿಸಿಕೊಂಡು ಹೋಗಿದ್ದಾಳೆನ್ನಲಾದ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿತ್ತು. ವಿಡಿಯೊದಲ್ಲಿ ದಾಖಲಾದ ಪ್ರದೇಶದ ಬಗ್ಗೆ ಗೊಂದಲವಿತ್ತು. ಈ ಕುರಿತು ಕ್ಯಾಂಪ್‌ ಪೊಲೀಸರು ಸ್ವಯಂ ಪ್ರೇರಿತ ಪ್ರಕರಣ ದಾಖಲಿಸಿಕೊಂಡು, ತನಿಖೆ ಕೈಗೊಂಡಿದ್ದರು. ಬೈಕ್‌ ಸಂಚರಿಸಿದ್ದ ರಸ್ತೆಯ ವಾಣಿಜ್ಯ ಮಳಿಗೆಗಳ ಸಿಸಿಟಿವಿ ಕ್ಯಾಮರಾಗಳ ದೃಶ್ಯಾವಳಿಗಳನ್ನು ಪರಿಶೀಲಿಸಿ, ಕೊನೆಗೂ ಆ ವ್ಯಕ್ತಿ ಯಾರೆಂಬುದನ್ನು ಪತ್ತೆ ಹಚ್ಚಿದ್ದಾರೆ.

''ನಗ್ನರಾಗಿ ಬೈಕ್‌ ಓಡಿಸಿಕೊಂಡು ಹೋದ ತೃತೀಯ ಲಿಂಗಿ ಬೆಳಗಾವಿ ನಗರದವರು ಎಂದು ತಿಳಿದು ಬಂದಿದೆ. ಘಟನೆ ನಡೆದ ದಿನದಿಂದ ಅವರು ನಾಪತ್ತೆಯಾಗಿದ್ದು, ಹುಡುಕಾಟ ನಡೆದಿದೆ'', ಎಂದು ಆಯುಕ್ತ ಲೋಕೇಶ್‌ಕುಮಾರ ಮಾಹಿತಿ ನೀಡಿದ್ದಾರೆ.