ಸಕ್ಕರೆ ಕಾರ್ಖಾನೆ ಆಡಳಿತ ಮಂಡಳಿ ಚುನಾವಣೆಗೆ ನಾಮಪತ್ರ ಸಲ್ಲಿಕೆ

ರಾಯಬಾಗ : ಇಲ್ಲಿನ ವಸಂತರಾವ್‌ ಪಾಟೀಲ ಸಹಕಾರಿ ಸಕ್ಕರೆ ಕಾರ್ಖಾನೆ ಆಡಳಿತ ಮಂಡಳಿ ಸದಸ್ಯರ ಆಯ್ಕೆಗಾಗಿ ಮೇ 19 ರಂದು 15 ಸ್ಥಾನಗಳಿಗೆ ಜರುಗಲಿರುವ ಚುನಾವಣೆಗೆ ಮಂಗಳವಾರ 15 ಸದಸ್ಯರು ತಮ್ಮ ನಾಮಪತ್ರಗಳನ್ನು ಕಾರ್ಖಾನೆ ರಿಟರ್ನಿಂಗ್‌ ಅಧಿಕಾರಿ ಹಾಗೂ ಚಿಕ್ಕೋಡಿ ಸಹಕಾರಿ ಸಂಘಗಳ ಲೆಕ್ಕಪರಿಶೋಧನಾ ಇಲಾಖೆ ಸಹಾಯಕ ನಿರ್ದೇಶಕ ಎಸ್‌.ಕೆ. ಲಾಟ್ಕರ್‌ ಅವರಿಗೆ ಸಲ್ಲಿಸಿದರು.

'ಎ' ವರ್ಗದ ಕಬ್ಬು ಬೆಳೆಗಾರರ ಸದಸ್ಯರ ಕ್ಷೇತ್ರದಿಂದ ಸಾಮಾನ್ಯ ವರ್ಗದಿಂದ ಪ್ರತಾಪರಾವ ಅಲಗೌಡ ಪಾಟೀಲ, ವಿವೇಕ ವಸಂತರಾವ್‌ ಪಾಟೀಲ, ಭೀಮಗೌಡ ಅಲಗೌಡಾ ಮಾನೆ, ಭರತೇಶ ಕುಮಾರ ಬ್ಯಾಡಗಿ, ಅಪ್ಪಾಸಾಹೇಬ ಭೂಪಾಲ ಜಾಧವ, ವಸಂತ ನಿಂಗಪ್ಪಾ ಚೌಗುಲಾ, ಕರೆಪ್ಪಾ ಯಮನಪ್ಪಾ ಸೂರಣ್ಣವರ ನಾಮಪತ್ರ ಸಲ್ಲಿಸಿದರು.

ಪರಿಶಿಷ್ಟ ಜಾತಿ ವರ್ಗದಿಂದ ತಿಮ್ಮಣ್ಣ ಸಿದ್ದಪ್ಪ ವಡ್ಡರ, ಪರಿಶಿಷ್ಟ ಪಂಗಡ ವರ್ಗದಿಂದ ಶಾಂತವ್ವಾ ಹಾಲಪ್ಪಾ ಬೇರಡ, ಮಹಿಳಾ ವರ್ಗದಿಂದ ಗಂಗಾ ಸಂಗಪ್ಪ ಕೊಪ್ಪದ ಮತ್ತು ಸಾವಿತ್ರಿ ಚಿದಾನಂದ ಹಳಿಂಗಳಿ, ಹಿಂದುಳಿದ ವರ್ಗದಿಂದ ಸಿದ್ದಪ್ಪ ಹಾಲಪ್ಪ ಹುಕ್ಕೇರಿ ಮತ್ತು ತಿಪ್ಪಣ್ಣ ರಾಮಾ ಯಡ್ರಾವೆ ನಾಮಪತ್ರ ಸಲ್ಲಿಸಿದರು.

'ಬ' ವರ್ಗದ ಕಬ್ಬು ಬೆಳೆಗಾರರಲ್ಲದ ಸದಸ್ಯರ ಕ್ಷೇತ್ರದಿಂದ ಪರಿಜಾ ಸಿದ್ಧಗೌಡ ಪಾಟೀಲ ಮತ್ತು 'ಸಿ' ವರ್ಗದ ಸಹಕಾರ ಸಂಘಗಳ ಕ್ಷೇತ್ರದಿಂದ ಬಸಗೌಡ ಅಪ್ಪಣಗೌಡಾ ಪಾಟೀಲ ನಾಮಪತ್ರ ಸಲ್ಲಿಸಿದರು.