ಸ್ವಚ್ಛತೆ ಕೈಗೊಳ್ಳಲು ಅಂಗಡಿಗಳಿಗೆ ನೋಟಿಸ್‌

ಯಕ್ಸಂಬಾ: ಕೊರೊನಾ ವೈರಸ್‌ ಹರಡದಂತೆ ತಡೆಯಲು ಸರಕಾರದಿಂದ ಎಲ್ಲರೀತಿಯ ಕ್ರಮಗಳನ್ನು ಕೈಗೆತ್ತಿಕೊಂಡ ಹಿನ್ನಲೆಯಲ್ಲಿಕೊರೊನಾ ಜಾಗೃತಿಗಾಗಿ ಸ್ಥಳೀಯ ಪಟ್ಟಣ ಪಂಚಾಯಿತಿಯಿಂದ ಪಟ್ಟಣದ ಹೋಟೆಲ್‌, ಬಾರ್‌, ಬೀದಿ ಅಂಗಡಿ ಮಾಲೀಕರಿಗೆ ಸ್ವಚ್ಛತೆ ಕಾಪಾಡುವಂತೆ ನೋಟಿಸ್‌ ಜಾರಿ ಮಾಡಲಾಯಿತು.

ಹೋಟೆಲ್‌ ಮಾಲೀಕರು ತಮ್ಮ ತಮ್ಮ ಹೋಟೆಲ್‌ಗಳಲ್ಲಿಸ್ವಚ್ಛತೆಯ ಎಲ್ಲನಿಯಮಗಳನ್ನು ಪಾಲಿಸಬೇಕು. ಇಲ್ಲವಾದಲ್ಲಿಕಾನೂನು ಕ್ರಮ ಕೈಗೊಂಡು 10 ಸಾವಿರ ರೂ. ದಂಡು ವಿಧಿಸುವುದಾಗಿ ನೋಟಿಸ್‌ನಲ್ಲಿತಿಳಿಸಲಾಗಿದೆ. ಹೋಟೆಲ್‌ಗಳಲ್ಲಿಮಾಡುವ ಪದಾರ್ಥಗಳು ಹೊರಗಡೆ ಇಡಬಾರದು. ಮಾಡಿದ ಪದಾರ್ಥಗಳ ಮೇಲೆ ನೊಣಗಳು ಕೂರದಂತೆ ಜಾಳಿಗೆ ಅಥವಾ ಗ್ಲಾಸ್‌ನಂತಹ ವಸ್ತುಗಳ ಬಳಕೆ ಮಾಡಬೇಕು. ಹೋಟೆಲ್‌ ಒಳಗಡೆ ಹಾಗೂ ಹೊರ ಪರಿಸರವನ್ನು ಸ್ವಚ್ಛವಾಗಿಟ್ಟುಕೊಳ್ಳಬೇಕು. ಸಾರ್ವಜನಿಕರಿಗೆ ಬಿಸಿ ನೀರು ಒದಗಿಸಿಕೊಡಬೇಕು. ಕುಡಿಯುವ ನೀರು ಸ್ವಚ್ಛವಾಗಿಡಬೇಕು. ಅಡುಗೆ ಕೊಣೆ, ಪಾತ್ರೆಗಳನ್ನು ಸ್ವಚ್ಛವಾಗಿಡಬೇಕು ಎಂಬ ಅನೇಕ ಸೂತ್ರಗಳನ್ನು ಜಾರಿಮಾಡಿದೆ.

ಇದೇ ರೀತಿ ಸಮುದಾಯ ಆರೋಗ್ಯ ಕೇಂದ್ರದಿಂದಲೂ ಅನೇಕ ಜಾಗೃತಿ ಕ್ರಮ ಕೈಗೊಂಡು ಬೇರೆ ರಾಜ್ಯದಿಂದ ಬಂದು ಹೋಗುವವರ ಸರ್ವೇ ಕೂಡ ನಡೆಸಲಾಗುತ್ತಿದೆ.