ನೆರೆ ಸಂತ್ರಸ್ತರಿಗೆ ಅಧಿಕಾರಿಗಳ ನೆರವು

ಗೋಕಾಕ : ತಾಲೂಕಿನ ಹಲವು ನೆರೆ ಸಂತ್ರಸ್ತರ ಕಾಳಜಿ ಕೇಂದ್ರಗಳಿಗೆ ಭೇಟಿ ನೀಡಿದ ಪೊಲೀಸ್‌ ಇಲಾಖೆ ಹಾಗೂ ವಾಣಿಜ್ಯ ತೆರಿಗೆ ಇಲಾಖೆಯ ಅಸೋಸಿಯೇಶನ್‌ನವರು ಸಂತ್ರಸ್ತರಿಗೆ ಪರಿಹಾರ ಕಿಟ್‌ ವಿತರಿಸಿ, ಸಾಂತ್ವನ ಹೇಳಿದರು.

ತಾಲೂಕಿನ ಬೀಸನಕೊಪ್ಪ, ಢವಳೇಶ್ವರ, ಹುಣಶ್ಯಾಳ ಪಿ.ವೈ, ಖಂಡ್ರಟ್ಟಿ, ಉದಗಟ್ಟಿ ತಪಶಿ ಕ್ರಾಸ್‌, ಮೆಳವಂಕಿ, ಹಡಗಿನಾಳ ಗ್ರಾಮಗಳಲ್ಲಿ ತೆರೆದ ಕಾಳಜಿ ಕೇಂದ್ರಗಳಿಗೆ ತೆರಳಿ ಸಂತ್ರಸ್ತರಿಗೆ ಕಿರಾಣಿ ಸಾಮಗ್ರಿ, ರೇನ್‌ಕೋಟ್‌, ಬ್ರೆಡ್‌, ಬಿಸ್ಕಿಟ್‌, ವಾಟರ್‌ ಬಾಟಲ್‌, ಔಷಧ ಸೇರಿದಂತೆ ದಿನ ಬಳಕೆಯ ಸಾಮಗ್ರಿಗಳನ್ನು ವಿತರಿಸಿದರು.

ಈ ಸಂದರ್ಭದಲ್ಲಿ ಪೊಲೀಸ್‌ ಇಲಾಖೆಯ ಡಿಎಸ್‌ಪಿ ಪ್ರಭು ಡಿ.ಟಿ. ಹಾಗೂ ವಾಣಿಜ್ಯ ತೆರಿಗೆ ಇಲಾಖೆ ಅಧಿಕಾರಿಗಳು ಇದ್ದರು.