ಬೆಳಗಾವಿ: ಜಿಲೆಟಿನ್ ಬಾಂಬ್ ಸ್ಫೋಟಗೊಂಡು ವ್ಯಕ್ತಿ ದುರ್ಮರಣ, ಚೆಲ್ಲಾಪಿಲ್ಲಿಯಾದ ಮೃತದೇಹ!

ಬೆಳಗಾವಿ: ಜಿಲೆಟಿನ್ ಬಾಂಬ್ ಸ್ಫೋಟಗೊಂಡು ಓರ್ವ ವ್ಯಕ್ತಿ ಸ್ಥಳದಲ್ಲೇ ಸಾವನಪ್ಪಿರುವ ಘಟನೆ ಖಾನಾಪುರ ತಾಲೂಕಿನ ಮಾಚಿಗಡ ಗ್ರಾಮದ ಹೊರವಲಯದಲ್ಲಿ ನಡೆದಿದೆ. ಈ ಘಟನೆ ಇದೀಗ ಈ ತಾಲೂಕಿನ ಜನರನ್ನು ಬೆಚ್ಚಿಬೀಳಿಸಿದೆ. ಶಿವಮೊಗ್ಗ ಮೂಲದ ವ್ಯಕ್ತಿ ಮೃತ ದುರ್ದೈವಿ. ಬೈಕ್‌ನಲ್ಲಿ ತೆರಳುತ್ತಿದ್ದ ಶಿವಮೊಗ್ಗದ ವ್ಯಕ್ತಿಯ ಟಯರ್‌ ಕೆಳಗೆ ಜಿಲೆಟಿನ್‌ ಬಾಂಬ್‌ ಸಿಕ್ಕಿ ಸ್ಪೋಟಗೊಂಡಿದೆ.

ಟಯರ್‌ನ ಒತ್ತಡದಿಂದ ಸ್ಪೋಟಗೊಂಡಿರುವ ಸಾಧ್ಯತೆಯನ್ನು ಸ್ಥಳೀಯರು ವ್ಯಕ್ತಪಡಿಸಿದ್ದಾರೆ. ಆದರೆ ಸ್ಫೋಟದ ತೀವ್ರತೆಗೆ ವ್ಯಕ್ತಿಯ ಮೃತದೇಹ ಮೂರು ಭಾಗಗಳಾಗಿ ಚೆಲ್ಲಾಪಿಲ್ಲಿಯಾಗಿ ಮೃತಪಟ್ಟಿದ್ದಾರೆ. ಇನ್ನು ಅಲ್ಲೇ ಇದ್ದ ಟ್ರ್ಯಾಕ್ಟರ್‌ ಕೂಡ ಬ್ಲಾಸ್ಟ್ನ ತೀವ್ರತೆಗೆ ಜಖಂ ಆಗಿದೆ. ಕೂಡಲೇ ಸ್ಥಳೀಯ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿದ್ದಾರೆ. ಈ ಕಡೆ ಕಾಡು ಪ್ರಾಣಿಗಳಿಂದ ರಕ್ಷಣೆಗಾಗಿ ಜಿಲೆಟಿನ್‌ ಬಾಂಬ್‌ಗಳನ್ನು ಬಳಸುತ್ತಾರೆ. ಆದರೆ ಈ ಸ್ಪೋಟ ಇದೀಗ ಜನರನ್ನು ಬೆಚ್ಚಿಬೀಳಿಸಿದೆ.

ಏನಿದು ಜಿಲೆಟಿನ್‌ ಬಾಂಬ್‌?
ಜಿಲೆಟಿನ್‌ ಎಂದರೆ ಒಂದು ರೀತಿಯ ಸ್ಪೋಟಕ ವಸ್ತು ಆಗಿದೆ. ಜಿಲೆಟಿನ್‌ ಮದ್ದಿನ ರೀತಿಯಲ್ಲಿರುತ್ತದೆ, ಇದನ್ನು ಬಾಂಬ್‌ ರೀತಿಯಂತೆ ತಯಾರಿಸಲಾಗುತ್ತದೆ. ಇದನ್ನು ಹೆಚ್ಚಾಗಿ ಬಂಡೆಗಳನ್ನು ಸ್ಪೋಟಿಸಲು ಬಳಸಲಾಗುತ್ತದೆ.

ಪೊಲೀಸ್ ನೇಮಕಾತಿ ಪರೀಕ್ಷೆಯಲ್ಲಿ ನಕಲಿಯಾಟ..! ದುಷ್ಟ ಜಾಲಕ್ಕೆ ಗೋಕಾಕ್‌ ಏಜೆಂಟ್ ಕಿಂಗ್‌ಪಿನ್..?