ಎರಡು ತಿಂಗಳಲ್ಲಿ ಠೇವಣಿ ಮರುಪಾವತಿಗೆ ಆದೇಶ

ಬೆಳಗಾವಿ: ತೀರ್ಪು ಪ್ರಕಟಿಸಿದ ಎರಡು ತಿಂಗಳೊಳಗೆ ಬಡ್ಡಿ ಸಹಿತ ಠೇವಣಿ ಮರುಪಾವತಿಸುವಂತೆ ಜಿಲ್ಲಾಗ್ರಾಹಕರ ನ್ಯಾಯಾಲಯ ಇಲ್ಲಿನ ಆಂಜನೇಯ ನಗರದಲ್ಲಿಶಾಖೆ ಹೊಂದಿರುವ ಚಿಕ್ಕೋಡಿಯ ಬಸವೇಶ್ವರ ಮಲ್ಟಿಪರ್ಪಸ್‌ ಸೌಹಾರ್ದ ಸಹಕಾರಿ ಸಂಸ್ಥೆ ಆಡಳಿತ ಮಂಡಳಿಗೆ ನಿರ್ದೇಶನ ನೀಡಿದೆ.

ಹಣಕಾಸು ಸಂಸ್ಥೆಯ ಅಧ್ಯಕ್ಷ ರಾಜನಗೌಡ ರಾವಸಾಹೇಬ ಪಾಟೀಲ, ಉಪಾಧ್ಯಕ್ಷ ಶಶಿಕಾಂತ ಅಣ್ಣಪ್ಪ ಕೋರೆ ಮತ್ತು ನಿರ್ದೇಶಕ ಸಿದ್ಧಲಿಂಗಪ್ಪ ಗುರುಲಿಂಗಪ್ಪ ಮನ್ನೋಳಿ ಸೇರಿದಂತೆ ಆಡಳಿತ ಮಂಡಳಿಯ 27 ಸದಸ್ಯರ ವಿರುದ್ಧ ರಾಮತೀರ್ಥ ನಗರದ ನಿವಾಸಿಗಳಾದ ಗಂಗಪ್ಪ ಬಸವಂತಪಪ್ಪ ಹಾರುಗೊಪ್ಪ ಹಾಗೂ ಕಾಶವ್ವ ಗಂಗಪ್ಪ ಹಾರುಗೊಪ್ಪ ಜು.8ರಂದು ಜಿಲ್ಲಾಗ್ರಾಹಕರ ನ್ಯಾಯಾಲಯದಲ್ಲಿಠೇವಣಿ ವಂಚನ ಪ್ರಕರಣ ದಾಖಲಿಸಿದ್ದರು. 2017ರಲ್ಲಿತಲಾ 2.5 ಲಕ್ಷ ರೂ.ಒಂದು ವರ್ಷದ ಅವಧಿಗೆ ಠೇವಣಿ ಇಟ್ಟಿದ್ದ ದೂರುದಾರರಿಗೆ ಅವಧಿ ಮುಗಿದರೂ ಸೊಸೈಟಿ ಆಡಳಿತ ಮಂಡಳಿ ಠೇವಣಿ ಮರುಪಾವತಿಸಿರಲಿಲ್ಲ.

ಪ್ರಕರಣದ ವಿಚಾರಣೆ ನಡೆಸಿದ ನ್ಯಾಯಾಧೀಶರಾದ ಎಚ್‌.ಡಿ.ಏಕತಾ ಅ.19 ರಂದು ತೀರ್ಪು ಪ್ರಕಟಿಸಿ ನ್ಯಾಯಲಾಯದ ಖರ್ಚು ಆರು ಸಾವಿರ ರೂ. ಒಳಗೊಂಡಂತೆ ಠೇವಣಿ ಹಣ ಮರುಪಾವತಿಸಲು ಆದೇಶಿಸಿದ್ದಾರೆ ಎಂದು ಅರ್ಜಿದಾರರ ಪರ ವಕೀಲ ಎನ್‌.ಆರ್‌.ಲಾತೂರ ಮಾಹಿತಿ ನೀಡಿದ್ದಾರೆ.