ಮುತಾಲಿಕ್‌ ಗೋವಾ ಪ್ರವೇಶ ನಿರ್ಬಂಧ ಅವಧಿ ಮತ್ತೆ ವಿಸ್ತರಣೆ

ಪಣಜಿ: ಶ್ರೀರಾಮ ಸೇನೆಯ ಪ್ರಮುಖ ಪ್ರಮೋದ ಮುತಾಲಿಕ್‌ ಅವರು ಗೋವಾ ಪ್ರವೇಶಿಸದಂತೆ ಹೇರಿದ್ದ ನಿರ್ಬಂಧದ ಕಾಲಾವಧಿಯನ್ನು ಮತ್ತೆ 6 ತಿಂಗಳ ಕಾಲ ವಿಸ್ತರಣೆ ಮಾಡಿ ಶುಕ್ರವಾರ ದಕ್ಷಿಣ ಗೋವಾ ಜಿಲ್ಲಾಧಿಕಾರಿ ಅಜಿತ್‌ ರಾಯ್‌ ಆದೇಶ ಹೊರಡಿಸಿದ್ದಾರೆ. ಪ್ರಮೋದ್‌ ಮುತಾಲಿಕ್‌ ಗೋವಾ ಪ್ರವೇಶಿಸಿದರೆ ರಾಜ್ಯದಲ್ಲಿಶಾಂತಿ ಮತ್ತು ಸುವ್ಯವಸ್ಥೆಗೆ ಧಕ್ಕೆಯುಂಟಾಗಲಿದೆ ಎಂಬ ಕಾರಣ ನೀಡಿ ಕೆಲ ವರ್ಷಗಳಿಂದ ಅವರಿಗೆ ರಾಜ್ಯ ಪ್ರವೇಶಿಸದಂತೆ ನಿರ್ಬಂಧ ಹೇರಲಾಗಿದೆ. ಪ್ರತಿ 6 ತಿಂಗಳಿಗೊಮ್ಮೆ ನಿರ್ಬಂಧದ ಕಾಲಾವಧಿಯನ್ನು ವಿಸ್ತರಣೆ ಮಾಡಲಾಗುತ್ತಿದೆ.