ಮತ್ತೊಂದು ಕಲಬೆರಕೆ ಹಾಲು ತಯಾರಿಕೆ ಘಟಕದ ಮೇಲೆ ದಾಳಿ

ಅಥಣಿ: ತಾಲೂಕಿನ ಅರಳಿಹಟ್ಟಿ ಗ್ರಾಮದ ತೋಟದ ಮನೆಯ ಕಲಬೆರಕೆ ಹಾಲು ತಯಾರಿಕೆ ಘಟಕದ ಮೇಲೆ ಗುರುವಾರ ದಾಳಿ ನಡೆಸಿದ ಪೊಲೀಸರು ಓರ್ವನನ್ನು ಬಂಧಿಸಿ 29 ಸಾವಿರ ರೂ. ಮೌಲ್ಯದ ವಸ್ತುಗಳನ್ನು ಜಪ್ತಿ ಮಾಡಿದ್ದಾರೆ.

ಜಾಧವ ತೋಟದ ಮಾಣಿಕ ಸಂತ್ರಾಮ ಜಾಧವ ಬಂಧಿತ ಆರೋಪಿ.

ರಾಸಾಯನಿಕ ಪೌಡರ್‌ ಮತ್ತು ಪಾಮೋಲಿನ್‌ ಎಣ್ಣೆ ಸೇರಿಸಿ ಮಾಡಿ ಕಲಬೆರಕೆ ಹಾಲು ತಯಾರಿಸುತ್ತಿರುವುದು ದಾಳಿ ಸಂದರ್ಭದಲ್ಲಿಕಂಡು ಬಂದಿದೆ. ಹಾಲು ತುಂಬಿದ ಐದು ಕ್ಯಾನ್‌, ಪಾಮೋಲಿನ್‌ ಎಣ್ಣೆಯ 9 ಡಬ್ಬಿ, ಮೂರು ಹಾಲಿನ ಕ್ಯಾನ್‌, ಮೇಬಿ ಲ್ಯಾಕ್ಟೋಝ್‌ ಪೌಡರ್‌ ತುಂಬಿದ ಚೀಲ ಮತ್ತು ಮೂರು ಮಿಕ್ಸರ್‌ ವಶ ಪಡಿಸಿಕೊಳ್ಳಲಾಗಿದೆ.

ಕಲಬೆರಕೆ ಹಾಲು ತಯಾರಿಸುತ್ತಿದ್ದ ಡೈರಿ ಮಾಲೀಕ ಬಂಡಾ ಜಾಧವ ವಿರುದ್ಧ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.