ಬಾಲಕಿ ಮೇಲೆ ಅತ್ಯಾಚಾರ: ಆರೋಪಿಗಳ ಬಂಧನ

ಯಮಕನಮರಡಿ: ಸಮೀಪದ ಹಳೆಗುಡನಹಟ್ಟಿ ಗ್ರಾಮದಲ್ಲಿ ಬಾಲಕಿ ಮೇಲೆ ಅತ್ಯಾಚಾರವೆಸಗಿದ ಆರೋಪದಡಿ ಮೂವರು ಯುವಕರನ್ನು ಪೊಲೀಸರು ಬಂಧಿಸಿದ್ದಾರೆ.

ಅಪ್ಪೋಜಿ ದಾರ್ಯೆಗೋಳ, ವಿಠ್ಠಲ ಬಗನಾಳೆ, ಬಾಳಪ್ಪಾ ದಾರ್ಯೆಗೋಳ ಬಂಧಿತರು. ಇವರನ್ನು ಪೊಲೀಸರು ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದಾರೆ. ಆರೋಪಿತರು ಶಾಲೆಯ ಬಿಟ್ಟ ಸಮಯದಲ್ಲಿ ಹೊಂಚು ಹಾಕಿ ಬಾಲಕಿಯನ್ನು ಕಬ್ಬಿನ ಗದ್ದೆಗೆ ಕರೆದುಕೊಂಡು ಹೋಗಿ ಅವಳ ಮೇಲೆ ಅತ್ಯಾಚಾರ ಎಸಗಿದ್ದಾಗಿ ಯಮಕನಮರಡಿ ಪೊಲೀಸ್‌ ಠಾಣೆಯಲ್ಲಿ ಆ.13ರಂದು ದೂರು ದಾಖಲಾಗಿತ್ತು. ಇನ್ನಿಬ್ಬರು ಆರೋಪಿತರ ಬಂಧನಕ್ಕಾಗಿ ಪೊಲೀಸರು ಜಾಲ ಬೀಸಿದ್ದಾರೆ.