ತಾಳ್ಮೆ ಕಳೆದುಕೊಳ್ಳದೆ ಬದುಕು ಮರುನಿರ್ಮಿಸಿಕೊಳ್ಳಿ

ಅಥಣಿ: ನಿಸರ್ಗ ಕೆಲವು ಸಲ ತಾಳ್ಮೆಯನ್ನು ಪರೀಕ್ಷೆ ಮಾಡುತ್ತದೆ. ಯಾರೂ ತಾಳ್ಮೆ ಕಳೆದುಕೊಳ್ಳದೆ ಎಲ್ಲರೂ ಬದುಕನ್ನು ಪುನಃ ನಿರ್ಮಾಣ ಮಾಡಿಕೊಳ್ಳಬೇಕು ಎಂದು ವಿಜಯಪುರ ಜ್ಞಾನ ಯೋಗಾಶ್ರಮದ ಶ್ರೀ ಸಿದ್ಧೇಶ್ವರ ಸ್ವಾಮಿಜಿ ಹೇಳಿದರು.

ಅವರು ಅಥಣಿ ತಾಲೂಕಿನ ಝೀರೊ ಪಾಯಿಂಟ್‌ ಸೇರಿದಂತೆ ನಾನಾ ಪುನರ್ವಸತಿ ಕೇಂದ್ರಗಳಿಗೆ ಭೇಟಿ ನೀಡಿ ಅವರು ಪ್ರವಾಹ ಸಂತ್ರಸ್ಥರನ್ನು ಉದ್ಧೇಶಿಸಿ ಮಾತನಾಡಿದರು. ಕಷ್ಟಗಳು ಮಾನವ ಜೀವಿಗೆ ಬರುವುದು ಸಹಜವಾಗಿದೆ. ಸುಖವಿದ್ದಾಗ ಹಿಗ್ಗದೆ ಕಷ್ಟದಲ್ಲಿದ್ದಾಗ ಕುಗ್ಗದೆ ಯಾವಾಗಲೂ ಸ್ಥಿತಪ್ರಜ್ಞತೆಯಿಂದ ಇರಬೇಕು. ಯಾವುದೇ ಹಾನಿಯಾಗಿರಲಿ, ಮರಳಿ ಅದನ್ನು ಸಂಪಾದಿಸುವ ಛಲವಿಟ್ಟುಕೊಂಡು ಹೊಸ ಜೀವನದತ್ತ ಸಾಗಬೇಕೆಂದು ಅವರು ಹೇಳಿದರು.

ಜಮಖಂಡಿ ಶಾಸಕ ಆನಂದ ನೇಮಗೌಡ, ಉದ್ಯಮಿ ಸಂಗಮೇಶ ನಿರಾಣಿ, ತೇರದಾಳ, ಶಾಸಕ ಸಿದ್ದು ಸವದಿ, ಶಾಸಕಿ ಸೌಮ್ಯ ರೆಡ್ಡಿ ಸೇರಿದಂತೆ ಅನೇಕರು ಪ್ರವಾಹ ಸಂತ್ರಸ್ತರನ್ನು ಭೇಟಿ ಮಾಡಿದರು.