ಲಗಮಣ್ಣಾ ಸಣ್ಣಲಚ್ಚಪ್ಪಗೋಳ ಬೆಳಗಾವಿ
ಇಲ್ಲಿನ ಹಿಂಡಲಗಾ ಕಾರಾಗೃಹದಲ್ಲಿ ಜೀವಾವಧಿ ಶಿಕ್ಷೆ ಅನುಭವಿಸುತ್ತಿರುವ ಐವರು ಕೈದಿಗಳು ಈ ಬಾರಿಯ ಸ್ವಾತಂತ್ರ್ಯ ದಿನಾಚರಣೆ ದಿನದಂದು ಸನ್ನಡತೆಯ ಬಿಡುಗಡೆ ಭಾಗ್ಯದ ನಿರೀಕ್ಷೆಯಲ್ಲಿದ್ದು, ರಾಜ್ಯಪಾಲರ ಅಂಕಿತಕ್ಕೆ ಕಾಯುತ್ತಿದ್ದಾರೆ.
ಈ ಬಾರಿಯ ಸ್ವಾತಂತ್ರ್ಯ ದಿನಾಚರಣೆ ಸಂದರ್ಭದಲ್ಲಿ ಸನ್ನಡತೆ ಆಧಾರದ ಮೇಲೆ ಕನಿಷ್ಠ 10 ವರ್ಷ ಜೈಲು ಶಿಕ್ಷೆ ಅನುಭವಿಸಿರುವ ಐವರು ಕೈದಿಗಳು ಬಿಡುಗಡೆಗೆ ಯೋಗ್ಯರು ಎಂದು ಹಿಂಡಲಗಾ ಕಾರಾಗೃಹದ ಸ್ಥಾಯಿ ಸಲಹಾ ಸಮಿತಿ ಸರಕಾರಕ್ಕೆ ಶಿಫಾರಸ್ಸು ಮಾಡಿದೆ. ಈ ಪಟ್ಟಿಯಲ್ಲಿ ಇಬ್ಬರು ಮಹಿಳಾ ಕೈದಿಗಳ ಹೆಸರೂ ಇದೆ. ಈ ಪಟ್ಟಿ ರಾಜ್ಯ ಸರಕಾರದ ಸಚಿವ ಸಂಪುಟದ ಒಪ್ಪಿಗೆ ಪಡೆದು ರಾಜ್ಯಪಾಲರ ಅಂಕಿತ ಪಡೆದುಕೊಳ್ಳಬೇಕು. ಅಂದಾಗ ಈ ಐವರಿಗೆ ಬಿಡುಗಡೆ ಭಾಗ್ಯ ಸಿಗಲಿದೆ.
ಹಿಂಡಲಗಾ ಕಾರಾಗೃಹದ ಅಧಿಕಾರಿಗಳು 10 ರಿಂದ 14 ವರ್ಷದವರೆಗೆ ಜೈಲು ಶಿಕ್ಷೆ ಅನುಭವಿಸಿರುವ 13 ಕೈದಿಗಳ ಹೆಸರಿನ ಪಟ್ಟಿ ಸಿದ್ಧಪಡಿಸಿ ಸಮಿತಿಗೆ ನೀಡಿದ್ದರು. ಅದರಲ್ಲಿ ಸಮಿತಿ ಐವರ ಹೆಸರನ್ನು ಸರಕಾರಕ್ಕೆ ಶಿಫಾರಸ್ಸು ಮಾಡಿ, ಇನ್ನುಳಿದ 8 ಕೈದಿಗಳ ಹೆಸರನ್ನು ಕೈಬಿಟ್ಟಿದೆ. 10 ವರ್ಷಕ್ಕಿಂತ ಮೇಲ್ಪಟ್ಟು ಜೈಲುವಾಸ ಅನುಭವಿಸಿರುವ ಈ ಎಂಟು ಕೈದಿಗಳು ಬಿಡುಗಡೆ ನಿರೀಕ್ಷೆ ಹೊತ್ತು ಈಗ ಮತ್ತೆ ಮುಂದಿನ ಜ.26 ರವರೆಗೆ ಕಾಯಬೇಕು.
ಕಳೆದ ಬಾರಿ ಬಿಡುಗಡೆ ಇಲ್ಲ
2018ರ ಆ.15ರ ಸಂದರ್ಭದಲ್ಲಿ ಹಿಂಡಲಗಾ ಜೈಲಿನ 17 ಕೈದಿಗಳ ಬಿಡುಗಡೆಗೆ ರಾಜ್ಯಪಾಲರು ಅಂಕಿತ ಹಾಕಿರಲಿಲ್ಲ. ಅದೇ ರೀತಿ ಕಳೆದ ಜ.26ರ ಗಣರಾಜೋತ್ಸವದಂದು ಹಿಂಡಲಗಾ ಕಾರಾಗೃಹದ 16 ಕೈದಿಗಳ ಬಿಡುಗಡೆಗೆ ಸ್ಥಾಯಿ ಸಮಿತಿ ಶಿಫಾರಸ್ಸು ಮಾಡಿತ್ತು. ಅವರಿಗೂ ಬಿಡುಗಡೆ ಭಾಗ್ಯ ಸಿಕ್ಕಿಲ್ಲ. ಈ ಬಾರಿ ಐವರ ಹೆಸರು ಮಾತ್ರ ಶಿಫಾರಸ್ಸು ಮಾಡಲಾಗಿದ್ದು, ರಾಜ್ಯಪಾಲರ ಅಂಕಿತ ಬಿದ್ದರೆ ಮಾತ್ರ ಇವರು ಬಿಡುಗಡೆಯಾಗಲಿದ್ದಾರೆ.
ಪಟ್ಟಿಯಲ್ಲಿ ಹೆಸರಿರುವ ಕೈದಿಗಳು
- ಕಾರವಾರ ಜಿಲ್ಲೆ ಅಂಕೋಲಾ ತಾಲೂಕು ಹಿಲ್ಲೂರಿನ ರಾಮದಾಸ್ ನಾಯಕ
- ಬೆಳಗಾವಿ ಜಿಲ್ಲೆ ಕುಡಚಿಯ ಫಾರೂಕ್ ಇಮಾಮುದ್ದೀನ್ ಚಮನ್ಶೇಖ್
- ಖಾನಾಪುರದ ಜಯಶ್ರೀ ನಂದಗಡಕರ
- ಬೈಲಹೊಂಗಲ ತಾಲೂಕು ಉಗರಕೋಡದ ಮಲ್ಲವ್ವ ಕೊಟಬಾಗಿ
- ರಾಯಬಾಗ ತಾಲೂಕು ಹಾರೂಗೇರಿಯ ಮುರುಗೆಪ್ಪ ಠಕ್ಕಣ್ಣವರ.
ಇಲ್ಲಿನ ಹಿಂಡಲಗಾ ಕಾರಾಗೃಹದಲ್ಲಿ ಜೀವಾವಧಿ ಶಿಕ್ಷೆ ಅನುಭವಿಸುತ್ತಿರುವ ಐವರು ಕೈದಿಗಳು ಈ ಬಾರಿಯ ಸ್ವಾತಂತ್ರ್ಯ ದಿನಾಚರಣೆ ದಿನದಂದು ಸನ್ನಡತೆಯ ಬಿಡುಗಡೆ ಭಾಗ್ಯದ ನಿರೀಕ್ಷೆಯಲ್ಲಿದ್ದು, ರಾಜ್ಯಪಾಲರ ಅಂಕಿತಕ್ಕೆ ಕಾಯುತ್ತಿದ್ದಾರೆ.
ಈ ಬಾರಿಯ ಸ್ವಾತಂತ್ರ್ಯ ದಿನಾಚರಣೆ ಸಂದರ್ಭದಲ್ಲಿ ಸನ್ನಡತೆ ಆಧಾರದ ಮೇಲೆ ಕನಿಷ್ಠ 10 ವರ್ಷ ಜೈಲು ಶಿಕ್ಷೆ ಅನುಭವಿಸಿರುವ ಐವರು ಕೈದಿಗಳು ಬಿಡುಗಡೆಗೆ ಯೋಗ್ಯರು ಎಂದು ಹಿಂಡಲಗಾ ಕಾರಾಗೃಹದ ಸ್ಥಾಯಿ ಸಲಹಾ ಸಮಿತಿ ಸರಕಾರಕ್ಕೆ ಶಿಫಾರಸ್ಸು ಮಾಡಿದೆ. ಈ ಪಟ್ಟಿಯಲ್ಲಿ ಇಬ್ಬರು ಮಹಿಳಾ ಕೈದಿಗಳ ಹೆಸರೂ ಇದೆ. ಈ ಪಟ್ಟಿ ರಾಜ್ಯ ಸರಕಾರದ ಸಚಿವ ಸಂಪುಟದ ಒಪ್ಪಿಗೆ ಪಡೆದು ರಾಜ್ಯಪಾಲರ ಅಂಕಿತ ಪಡೆದುಕೊಳ್ಳಬೇಕು. ಅಂದಾಗ ಈ ಐವರಿಗೆ ಬಿಡುಗಡೆ ಭಾಗ್ಯ ಸಿಗಲಿದೆ.
ಹಿಂಡಲಗಾ ಕಾರಾಗೃಹದ ಅಧಿಕಾರಿಗಳು 10 ರಿಂದ 14 ವರ್ಷದವರೆಗೆ ಜೈಲು ಶಿಕ್ಷೆ ಅನುಭವಿಸಿರುವ 13 ಕೈದಿಗಳ ಹೆಸರಿನ ಪಟ್ಟಿ ಸಿದ್ಧಪಡಿಸಿ ಸಮಿತಿಗೆ ನೀಡಿದ್ದರು. ಅದರಲ್ಲಿ ಸಮಿತಿ ಐವರ ಹೆಸರನ್ನು ಸರಕಾರಕ್ಕೆ ಶಿಫಾರಸ್ಸು ಮಾಡಿ, ಇನ್ನುಳಿದ 8 ಕೈದಿಗಳ ಹೆಸರನ್ನು ಕೈಬಿಟ್ಟಿದೆ. 10 ವರ್ಷಕ್ಕಿಂತ ಮೇಲ್ಪಟ್ಟು ಜೈಲುವಾಸ ಅನುಭವಿಸಿರುವ ಈ ಎಂಟು ಕೈದಿಗಳು ಬಿಡುಗಡೆ ನಿರೀಕ್ಷೆ ಹೊತ್ತು ಈಗ ಮತ್ತೆ ಮುಂದಿನ ಜ.26 ರವರೆಗೆ ಕಾಯಬೇಕು.
ಕಳೆದ ಬಾರಿ ಬಿಡುಗಡೆ ಇಲ್ಲ
2018ರ ಆ.15ರ ಸಂದರ್ಭದಲ್ಲಿ ಹಿಂಡಲಗಾ ಜೈಲಿನ 17 ಕೈದಿಗಳ ಬಿಡುಗಡೆಗೆ ರಾಜ್ಯಪಾಲರು ಅಂಕಿತ ಹಾಕಿರಲಿಲ್ಲ. ಅದೇ ರೀತಿ ಕಳೆದ ಜ.26ರ ಗಣರಾಜೋತ್ಸವದಂದು ಹಿಂಡಲಗಾ ಕಾರಾಗೃಹದ 16 ಕೈದಿಗಳ ಬಿಡುಗಡೆಗೆ ಸ್ಥಾಯಿ ಸಮಿತಿ ಶಿಫಾರಸ್ಸು ಮಾಡಿತ್ತು. ಅವರಿಗೂ ಬಿಡುಗಡೆ ಭಾಗ್ಯ ಸಿಕ್ಕಿಲ್ಲ. ಈ ಬಾರಿ ಐವರ ಹೆಸರು ಮಾತ್ರ ಶಿಫಾರಸ್ಸು ಮಾಡಲಾಗಿದ್ದು, ರಾಜ್ಯಪಾಲರ ಅಂಕಿತ ಬಿದ್ದರೆ ಮಾತ್ರ ಇವರು ಬಿಡುಗಡೆಯಾಗಲಿದ್ದಾರೆ.
ಪಟ್ಟಿಯಲ್ಲಿ ಹೆಸರಿರುವ ಕೈದಿಗಳು
- ಕಾರವಾರ ಜಿಲ್ಲೆ ಅಂಕೋಲಾ ತಾಲೂಕು ಹಿಲ್ಲೂರಿನ ರಾಮದಾಸ್ ನಾಯಕ
- ಬೆಳಗಾವಿ ಜಿಲ್ಲೆ ಕುಡಚಿಯ ಫಾರೂಕ್ ಇಮಾಮುದ್ದೀನ್ ಚಮನ್ಶೇಖ್
- ಖಾನಾಪುರದ ಜಯಶ್ರೀ ನಂದಗಡಕರ
- ಬೈಲಹೊಂಗಲ ತಾಲೂಕು ಉಗರಕೋಡದ ಮಲ್ಲವ್ವ ಕೊಟಬಾಗಿ
- ರಾಯಬಾಗ ತಾಲೂಕು ಹಾರೂಗೇರಿಯ ಮುರುಗೆಪ್ಪ ಠಕ್ಕಣ್ಣವರ.