ಅಥಣಿಗೆ ರೈಲು ಮಾರ್ಗ ಕಲ್ಪಿಸಲು ಆಗ್ರಹಿಸಿ ಮನವಿ

ಅಥಣಿ : ಅಥಣಿಗೆ ರೈಲು ಮಾರ್ಗ ಕಲ್ಪಿಸಿ ಕ್ಷೇತ್ರದ ಜನತೆಯ ಅಭಿವೃದ್ಧಿಗೆ ಸಹಕರಿಸಲು ಆಗ್ರಹಿಸಿ ಅಥಣಿ ರೈಲು ಮಾರ್ಗ ಹೋರಾಟ ಸಮಿತಿ ವತಿಯಿಂದ ಪ್ರಧಾನಿ ನರೇಂದ್ರ ಮೋದಿಯವರಿಗೆ ಉಪತಹಸೀಲ್ದಾರ್‌ ರಾಜು ಬುರ್ಲಿ ಮೂಲಕ ಮನವಿ ಸಲ್ಲಿಸಲಾಯಿತು.

ಅನಂತರ ಮನವಿ ಸಲ್ಲಿಸಿ ಮಾತನಾಡಿದ ರೈಲು ಹೋರಾಟ ಸಮಿತಿ ಅಧ್ಯಕ್ಷ ರವಿ ಪೂಜಾರಿ, ಹಲವು ವರ್ಷಗಳ ಇತಿಹಾಸ ಇರುವ ಬೆಳಗಾವಿ ಜಿಲ್ಲೆಯ ಅಥಣಿ ತಾಲೂಕಿನ ಶೇಡಬಾಳ ರೈಲ್ವೆ ಸ್ಟೇಶನ್‌ನಿಂದ ಅಥಣಿ ಐಗಳಿ, ತಿಕೋಟಾ ಮಾರ್ಗವಗೊ ವಿಜಯಪುರವರೆಗೆ ರೈಲು ಮಾರ್ಗದ ಯೋಜನೆಯನ್ನು ಬ್ರಿಟಿಷ್‌ ಸರಕಾರ ಸಿದ್ಧಪಡಿಸಿತ್ತು. ಆದರೆ ದುರದೃಷ್ಟಕರ ಸಂಗತಿಯೆಂದರೆ ದೇಶಕ್ಕೆ ಸ್ವತಂತ್ರ ಸಿಕ್ಕು 72 ವರ್ಷವಾದರೂ ಅಥಣಿಗೆ ಇನ್ನೂ ರೈಲು ಮಾರ್ಗ ಕನಸಾಗಿಯೇ ಉಳಿದಿದೆ ಎಂದು ಆರೋಪಿಸಿದರು.

ಶಾಸಕ ಮಹೇಶ ಕುಮಠಳ್ಳಿ ಮಾತನಾಡಿ, ಈ ಯೋಜನೆ ರೂಪುಗೊಂಡರೆ ಅಥಣಿ ಜನತೆಗೆ ಸಾಕಷ್ಟು ಅನುಕೂಲವಾಗುತ್ತದೆ. ಮುಖ್ಯವಾಗಿ ಈ ಭಾಗದ ನಿರುದ್ಯೋಗದ ಸಮಸ್ಯೆ ನಿವಾರಣೆಯಾಗುತ್ತದೆ. ಹಾಗಾಗಿ ಸಂಬಂಧಪಟ್ಟ ಅಧಿಕಾರಿಗಳ ಜತೆಗೆ ಯೋಜನೆ ಜಾರಿಗೆ ತಾವೂ ಚರ್ಚಿಸುವುದಾಗಿ ತಿಳಿಸಿದರು.

ರೈತ ಸಂಘದ ಅಧ್ಯಕ್ಷ ಮಹಾದೇವ ಮಡಿವಾಳ, ಅಣ್ಣಾಸಾಹೇಬ ತೆಲಸಂಗ, ಆದಿತ್ಯ ಪವಾರ, ಲಕ್ಷ ್ಮಣ ವೈದಿ, ಜಗನ್ನಾಥ ಬಾಮನೆ, ಸುರೇಶ ಕೊಳ್ಳೊಳ್ಳಿ, ದೀಪಕ ಶಿಂಧೆ ಹಾಗೂ ಮುಂತಾದವರು ಉಪಸ್ಥಿತರಿದ್ದರು.