ಬೆಂಗಳೂರು ರೈಲನ್ನು ಮಿರಜ್‌ನಿಂದ ಓಡಿಸಲು ಮನವಿ

ರಾಯಬಾಗ: ಹೊಸದಾಗಿ ಪ್ರಾರಂಭಗೊಂಡ ಬೆಳಗಾವಿಯಿಂದ ಬೆಂಗಳೂರು ಸೂಪರ್‌ ಫಾಸ್ಟ್‌ ತಾತ್ಕಾಲಿಕ ಹೊಸ ರೈಲನ್ನು ಮಿರಜ್‌ನಿಂದ ಕುಡಚಿ, ರಾಯಬಾಗ, ಘಟಪ್ರಭಾ ಮೂಲಕ ಬೆಳಗಾವಿಗೆ ಚಲಿಸುವಂತೆ ಮಾಡಬೇಕೆಂದು ಶಾಸಕ ಡಿ.ಎಂ. ಐಹೊಳೆ ರೈಲ್ವೇ ಖಾತೆ ರಾಜ್ಯ ಸಚಿವ ಸುರೇಶ ಅಂಗಡಿಯವರಿಗೆ ಮನವಿ ಸಲ್ಲಿಸಿದ್ದಾರೆ.

ಇದರಿಂದ ರಾಣಿ ಚನ್ನಮ್ಮ ಎಕ್ಸ್‌ಪ್ರೆಸ್‌ಗೆ ಟಿಕೆಟ್‌ ದೊರೆಯದ ಪ್ರಾಯಾಣಿಕರಿಗೆ ಅನುಕೂಲವಾಗುತ್ತದೆ. ರಾಣಿ ಚನ್ನಮ್ಮ ರೈಲಿಗೆ ಎಲ್ಲ ಕಾಲದಲ್ಲಿಯೂ ಟಿಕೆಟ್‌ ಸಿಗದ ಕಾರಣ ಪ್ರಯಾಣಿಕರು ಖಾಸಗಿ ಬಸ್‌ಗಳಲ್ಲಿ ಪ್ರಯಾಣಿಸುವುದು ಅನಿವಾರ್ಯವಾಗುತ್ತದೆ.

ಹುಬ್ಬಳ್ಳಿಯಿಂದ ಎಲ್‌ಟಿಟಿ(ಮುಂಬೈ) ಮತ್ತು ಎಲ್‌ಟಿಟಿಯಿಂದ (ಮುಂಬೈ) ಹುಬ್ಬಳ್ಳಿಗೆ ಬರುವ ಎರಡು ರೈಲನ್ನು ರಾಯಬಾಗ ಸ್ಟೇಶನ್‌ದಲ್ಲಿ ನಿಲುಗಡೆ ಮಾಡಬೇಕೆಂದು ಅವರು ಮನವಿ ಮಾಡಿಕೊಂಡಿದ್ದಾರೆ.