ಶುದ್ಧ ಕುಡಿವ ನೀರಿನ ಘಟಕ ದುರಸ್ತಿಗೆ ಆಗ್ರಹ

ಹಿರೇಬಾಗೇವಾಡಿ: ಇಲ್ಲಿನ ಪ್ರಭುದೇವರಗುಡಿ ಬೀದಿಯ ಶುದ್ಧ ಕುಡಿಯುವ ನೀರಿನ ಘಟಕವನ್ನು ಶೀಘ್ರ ದುರಸ್ತಿ ಮಾಡುವಂತೆ ಅಲ್ಲಿನ ನಿವಾಸಿಗಳು ಆಗ್ರಹಿಸಿದ್ದಾರೆ.

ಘಟಕ ಆರಂಭವಾದಾಗಿನಿಂದ ಈ ಘಟಕ ಸರಿಯಾಗಿ ಕಾರ್ಯನಿರ್ವಹಿಸದೆ ಪದೇ ಪದೆ ಕೆಡುತ್ತಿದೆ. ಅನೇಕ ಬಾರಿ ಈ ಘಟಕ ನಿರ್ವಹಣೆಯವರಿಗೆ ಕರೆ ಮಾಡಿದರೂ ಪ್ರಯೋಜನವಾಗಿಲ್ಲ. ಇನ್ನಾದರೂ ಸಂಬಂಧಪಟ್ಟವರು ದುರಸ್ತಿಗೆ ಕ್ರಮ ಕೈಗೊಳ್ಳಬೇಕು ಎಂದು ದಲಾಲಿ ವರ್ತಕ ಬಿ.ಬಿ. ಪಾಟೀಲ, ಬಸಪ್ಪಗೌಡ ದೊಡಗೌಡ್ರ, ಅನಿಲ ಪಾಟೀಲ, ಗಂಗಪ್ಪ ಕರಿಯತಗಾರ, ಬಸನಗೌಡ ಪರಕಪಾಟೀಲ ಆಗ್ರಹಿಸಿದ್ದಾರೆ.