ಗಲಭೆ ಪ್ರಕರಣ: ಇಬ್ಬರ ಬಂಧನ

ರಾಮದುರ್ಗ: ಫೇಸ್‌ಬುಕ್‌ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಡೆದ ಗಲಾಟೆಯಲ್ಲಿ ಕಲ್ಲು ತೂರಾಟ ಮತ್ತು ಗಲಭೆಗೆ ಕಾರಣರಾದ ಇಬ್ಬರನ್ನು ಪೊಲೀಸರು ಮಂಗಳವಾರ ರಾತ್ರಿ ಬಂಧಿಸಿ ಬೆಳಗಾವಿ ಹಿಂಡಲಗಾ ಜೈಲಿಗೆ ಕಳಿಸಿದ್ದಾರೆ.

ಪಟ್ಟಣದ ಪಡಕೋಟ ಗಲ್ಲಿಯ ದಶರಥ ಚಂದ್ರಕಾಂತ ಕಾಳೆ (34) ಹಾಗೂ ಸಾಲಹಳ್ಳಿಯ ರವಿ ನಾಗಪ್ಪ ಪೂಜೇರ (20)ನನ್ನು ಪೊಲೀಸರು ಬಂಧಿಸಿ ಐಪಿಸಿ ಕಲಂ. 143, 147, 427, 149ರಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ಆ ದಿನ ನಡೆದ ಪ್ರತಿಭಟನೆಯಲ್ಲಿ ಗಲಭೆ ಹಾಗೂ ಕಲ್ಲು ತೂರಾಟ ಮಾಡಿರುವುದನ್ನು ವಿಡಿಯೊ ಚಿತ್ರೀಕರಣದಲ್ಲಿ ಪರಿಶೀಲಿಸಿ ಕಲ್ಲು ತೂರಿದ ಹಾಗೂ ಗಲಭೆ ಎಬ್ಬಿಸಿದ ವ್ಯಕ್ತಿಗಳನ್ನು ಗುರುತಿಸಿ ಪ್ರಕರಣ ದಾಖಲಿಸಲಾಗುತ್ತಿದೆ ಎಂದು ತಿಳಿದು ಬಂದಿದೆ.