ಬೆಳಗಾವಿ: ಮಹಾರಾಷ್ಟ್ರದ ಸಾಂಗಲಿಯ ಶಿವ ಪ್ರತಿಷ್ಠಾನ ಹಿಂದೂಸ್ಥಾನ ಸಂಘಟನೆ ಮುಖಂಡ ಸಂಭಾಜಿ ಭಿಡೆ ಗುರೂಜಿ ಅವರ ಕಾರ್ಯಕ್ರಮಕ್ಕೆ ಬೆಳಗಾವಿ ಪೊಲೀಸ್‌ ಆಯುಕ್ತರು ಅನುಮತಿ ನಿರಾಕರಿಸಿದ್ದಾರೆ.
ಜ.14ರಂದು ಭಿಡೆ ಅವರ ಬಹಿರಂಗ ಸಭೆಗಾಗಿ ಇಲ್ಲಿನ ಸಂಘಟನೆಯೊಂದರಿಂದ ಪೊಲೀಸ್‌ ಅನುಮತಿ ಕೇಳಲಾಗಿತ್ತು. ಆದರೆ ಕೆಲ ದಲಿತ ಸಮುದಾಯದವರು ಭಿಡೆ ಅವರ ಬೆಳಗಾವಿ ಕಾರ್ಯಕ್ರಮಕ್ಕೆ ಅನುಮತಿ ನೀಡಬಾರದು ಎಂದು ಡಿಸಿ ಹಾಗೂ ಪೊಲೀಸ್‌ ಆಯುಕ್ತರಿಗೆ ಮನವಿ ಸಲ್ಲಿಸಿದ್ದರು.
ಕೋರೆಗಾಂವ್ ಹಿಂಸೆ: ಯಾರು ಈ ಸಂಭಾಜಿ ಭಿಡೆ? ಅವರೇನಂತಾರೆ?
ಮಹಾರಾಷ್ಟ್ರದ ಭೀಮಾ ಕೋರೆಗಾಂವ್‌ನಲ್ಲಿ ನಡೆದ ಹಿಂಸಾಚಾರದ ಬಳಿಕ ರಾಜ್ಯದ ಹಲವೆಡೆ ಗಲಭೆ ಹಾಗೂ ಹಿಂಸಾಚಾರದ ಪ್ರಕರಣಗಳು ಸಂಭವಿಸಿದ್ದವು. ಇದರ ಹಿಂದೆ ಶಿವ ಪ್ರತಿಷ್ಠಾನ ಹಿಂದೂಸ್ಥಾನ ಸಂಘಟನೆ ಮುಖಂಡ ಸಂಭಾಜಿ ಭಿಡೆ ಗುರೂಜಿ ಕೈವಾಡ ಇದೆ ಎಂದು ಆರೋಪಿಸಲಾಗಿತ್ತು. ಈ ಹಿನ್ನೆಲೆಯಲ್ಲಿ ಪೊಲೀಸ್‌ ಆಯುಕ್ತರು ಭಿಡೆ ಸಭೆಗೆ ಅನುಮತಿ ನಿರಾಕರಿಸಿ ಆದೇಶ ಮಾಡಿದ್ದಾರೆ.