ಸಂಕೇಶ್ವರ: ನಾಳೆ ಬೃಹತ್‌ ಉದ್ಯೋಗ ಮೇಳ

ಸಂಕೇಶ್ವರ : ವಿಶ್ವ ಯುವ ಕೌಶಲ ದಿನಾಚರಣೆ ಅಂಗವಾಗಿ ಬೃಹತ್‌ ಉದ್ಯೋಗ ಮೇಳವನ್ನು ಕರ್ನಾಟಕ ಸಕಾರದ ಬೆಳಗಾವಿಯ ಜಿಲ್ಲಾ ಉದ್ಯೋಗ ವಿನಿಮಯ ಕೇಂದ್ರದ ಸಹಯೋಗದಲ್ಲಿ ಜು.15ರಂದು ಆಯೋಜಿಸಲಾಗಿದೆ.

ಸ್ಥಳೀಯ ಎಸ್‌ಡಿವಿಎಸ್‌ ಸಂಘದ ಶ್ರೀ ಶಿವರುದ್ರೇಶ್ವರ ಕಲಾ ಹಾಗೂ ಪಟ್ಟಣ ಪಂಚಾಯಿತಿ ವಿಜ್ಞಾನ ಮಹಾವಿದ್ಯಾಲಯ, ಲ.ಕ. ಖೋತ ವಾಣಿಜ್ಯ ಮಹಾವಿದ್ಯಾಲಯ, ಎಂಬಿಎ, ಬಿಸಿಎ, ಬಿಎಸ್‌ಡಬ್ಲೂ, ಹಾಗೂ ಐಟಿಐ ಮಹಾವಿದ್ಯಾಲಯ ಸಂಕೇಶ್ವರ ಸಹಯೋಗದಲ್ಲಿ ಉದ್ಯೋಗ ಮೇಳ ಸಂಘಟಿಸಲಾಗಿದೆ.

ಬೆಂಗಳೂರಿನ ಪ್ರತಿಷ್ಠಿತ ಅಂತಾರಾಷ್ಟ್ರೀಯ ಕಂಪನಿಗಳು, ಜತೆಗೆ ಬೆಳಗಾವಿ ಜಿಲ್ಲೆಯ ಕಂಪನಿಗಳು ಕೂಡ ಭಾಗವಹಿಸಲಿವೆ. ಎಸ್‌ಎಸ್‌ಎಲ್‌ಸಿ, ಪಿಯುಸಿ, ಐಟಿಐ, ಡಿಪೊ್ಲೕಮಾ, ಬಿಬಿಎ, ಬಿಸಿಎ, ಬಿಕಾಂ, ಬಿಎ, ಬಿಎಸ್ಸಿ, ಎಂಕಾಂ, ಎಂಸಿಎ ಪಾಸಾದ ಮತ್ತು ಅಂತಿಮ ವರ್ಗದಲ್ಲಿ ಓದುತ್ತಿರುವ ವಿದ್ಯಾರ್ಥಿಗಳು ತಮ್ಮ 20 ಪ್ರತಿ ಬಯೋಡೆಟಾಗಳ ಜತೆಗೆ ಮೂಲ ಅಂಕಪಟ್ಟಿಗಳ ನಕಲು ಪ್ರತಿಗಳೊಂದಿಗೆ ಹೆಸರು ನೋಂದಾಯಿಸಬೇಕೆಂದು ಸಂಘಟಕರು ತಿಳಿಸಿದ್ದಾರೆ.

ಹೆಚ್ಚಿನ ಮಾಹಿತಿಗೆ ಎಸ್‌ಡಿವಿಎಸ್‌ ಸಂಘದ ಕಾರ್ಯನಿರ್ವಹಣಾಧಿಕಾರಿ ಡಾ. ಬಿ.ಎ. ಪೂಜಾರಿ ಅಥವಾ ಕಾರ್ಯದರ್ಶಿ ಜಿ.ಸಿ. ಕೋಟಗಿ ಅವರನ್ನು ಸಂಪರ್ಕಿಸುವಂತೆ ಪ್ರಕಟಣೆಯಲ್ಲಿ ಕೋರಲಾಗಿದೆ.