ಬೆಳಗಾವಿ ಜಿಲ್ಲೆಯಲ್ಲಿ ಮಳೆಯ ಆರ್ಭಟ: ಸವದತ್ತಿ-ಧಾರವಾಡ ರಾಜ್ಯ ಹೆದ್ದಾರಿ ಸಂಚಾರ ಮತ್ತೆ ಸ್ಥಗಿತ

ಬೆಳಗಾವಿ: ಮುಂಗಾರು ಮಳೆ ಮುಗಿದರೂ ಈ ಬಾರಿ ಬೆಳಗಾವಿ ಜಿಲ್ಲೆಗೆ ಮಳೆ ಬಿಟ್ಟೂ ಬಿಡದೆ ಕಾಡುತ್ತಿದೆ. ಹಿಂಗಾರು ಮಳೆಯ ಆರ್ಭಟದಿಂದಾಗಿ ಬೆಳಗಾವಿ ಜಿಲ್ಲೆಯ ಸವದತ್ತಿ-ಧಾರವಾಡ ರಾಜ್ಯ ಹೆದ್ದಾರಿ ಸಂಚಾರ ಮತ್ತೆ ಸ್ಥಗಿತಗೊಂಡಿದೆ. ರಸ್ತೆ ಸಂಚಾರ ಸ್ಥಗಿತದಿಂದಾಗಿ ಜನರು ತೀವ್ರ ತೊಂದರೆ ಎದುರಿಸುತ್ತಿದ್ದಾರೆ.

ಪಿರಿಯಾಪಟ್ಟಣ: ಹಲವು ಗ್ರಾಮಗಳು ಜಲಾವೃತ

ಶನಿವಾರ ರಾತ್ರಿಯಿಡಿ ಸುರಿದ ಭಾರಿ ಮಳೆ ಪರಿಣಾಮವಾಗಿ ಇನಾಮಹೊಂಗಲ ಗ್ರಾಮದ ಬಳಿ ನಡೆಯುತ್ತಿರುವ ಸೇತುವೆ ನಿರ್ಮಾಣ ಕಾಮಗಾರಿ ಸ್ಥಳದಲ್ಲಿ ರಭಸದಿಂದ ಹರಿಯುತ್ತಿರುವ ತುಪರಿ ಹಳ್ಳದ ನೀರು ಆವರಿಸಿ ತಾತ್ಕಾಲಿಕ ಸಂಚಾರ ರಸ್ತೆ ಬಂದ್ ಆಗಿದೆ.

ಭಾರಿ ಮಳೆ: ಶಿವಮೊಗ್ಗ- ಉಡುಪಿ ರಸ್ತೆ ಸಂಚಾರ ಸ್ಥಗಿತ

ಧಾರವಾಡದಿಂದ ಸವದತ್ತಿ ಮಾರ್ಗವಾಗಿ ಸಂಚರಿಸಬೇಕಾದ ವಾಹನಗಳು ಉಪ್ಪಿನ ಬೆಟಗೇರಿ ದೊಡವಾಡ ಸುತಗಟ್ಟಿ ಮೂಲಕ ಬೆಳವಡಿ-ಸವದತ್ತಿ ಹೆದ್ದಾರಿ ತಲುಪುತ್ತಿವೆ. ಅಲ್ಲದೆ, ಕರಿಕಟ್ಟಿ ಮಾರ್ಗದ ರಸ್ತೆಯ ಕಿರು ಸೇತುವೆ ಕುಸಿದು ಸಂಚಾರ ಸಹ ಬಂದ್ ಆಗಿದೆ. ಇನ್ನು ಭಾರಿ ಮಳೆಯಿಂದಾಗಿ ಸುತಗಟ್ಟಿ ರಸ್ತೆಯೂ ಹಾಳಾಗುವ ಸರದಿ ಎದುರಾಗಿದೆ ಎಂದೂ ಜನರು ಭೀತಿ ವ್ಯಕ್ತಪಡಿಸಿದ್ದಾರೆ.



ಭೂಕುಸಿತ ಪುಣೆ-ಬೆಂಗಳೂರು ಹೆದ್ದಾರಿ ಬಂದ್‌

ಮುಂಗಾರು ಮಳೆಯಿಂದಾಗಿ ಬೆಳಗಾವಿ ಜಿಲ್ಲೆಯಲ್ಲಿ ಭಾರಿ ಪ್ರವಾಹ ಎದುರಾಗಿತ್ತು. ಈಗ ಮುಂಗಾರು ಮಳೆ ಮುಗಿದರೂ ಮಳೆ ಮಾತ್ರ ಜಿಲ್ಲೆಯನ್ನು ಬಿಡುತ್ತಿಲ್ಲ ಎನ್ನುವಂತಾಗಿದೆ.