ಸ್ಕೂಲ್‌ ಬಸ್‌- ಕಂಟೇನರ್‌ ಲಾರಿ ಡಿಕ್ಕಿ: ಮೂವರು ಸಾವು

ಇಚಲಕರಂಜಿ: ಕೊಲ್ಲಾಪುರ -ಸಾಂಗ್ಲಿ ರಸ್ತೆಯ ಚೋಕಾಕ ಬಳಿ ಮಂಗಳವಾರ ಕಂಟೇನರ್‌ ಲಾರಿ ಹಾಗೂ ಸ್ಕೂಲ್‌ ಬಸ್‌ ನಡುವೆ ಸಂಭವಿಸಿದ ಡಿಕ್ಕಿಯಲ್ಲಿ ಇಬ್ಬರು ಸ್ಥಳದಲ್ಲಿಯೇ ಮೃತಪಟ್ಟಿದ್ದು, ತೀವ್ರ ಗಾಯಗೊಂಡಿದ್ದ ಬಸ್‌ ಚಾಲಕ ಚಿಕಿತ್ಸೆ ಫಲಿಸದೇ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾರೆ.

ಅತಿಗ್ರೆ ಗ್ರಾಮದ ಸಂಜಯ ಘೋಡಾವತ್‌ ಇಂಟರ್‌ನ್ಯಾಶನಲ್‌ ಸ್ಕೂಲ್‌ ಬಸ್‌ ವಿದ್ಯಾರ್ಥಿಗಳೊಂದಿಗೆ ಶಾಲೆಗೆ ಹೋಗುತ್ತಿದ್ದಾಗ ಚಾಲಕನ ನಿಯಂತ್ರಣ ತಪ್ಪಿದ ಕಂಟೇನರ್‌ ಲಾರಿ ಬಸ್‌ಗೆ ಡಿಕ್ಕಿ ಹೊಡೆದಿದೆ. ಕಂಟೇನರ್‌ ಚಾಲಕ ಸುರೇಶ ಖೋತ ಹಾಗೂ ಕ್ಲೀನರ್‌ ಸಚಿನ್‌ ಖಿಲಾರೆ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ. ಬಸ್‌ ಚಾಲಕ ಜಯಸಿಂಗ ಚೌಗಲೆ ಚಿಕಿತ್ಸೆ ಫಲಿಸದೇ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾರೆ. ಇಬ್ಬರು ಆಯಾಗಳು ಸೇರಿ 26 ವಿದ್ಯಾರ್ಥಿಗಳು ಗಾಯಗೊಂಡಿದ್ದು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಹಾತ್‌ಕಣಗಲೆ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಾಗಿದೆ.