ಹಿಡಕಲ್‌ ಡ್ಯಾಂನಲ್ಲಿ ಸಮಸ್ಯೆಗಳ ಸರಮಾಲೆ

ಯಮಕನಮರಡಿ: ಹುಕ್ಕೇರಿ ತಾಲೂಕಿನ ಹಿಡಕಲ್‌ ಡ್ಯಾಂ ಯೋಜನಾ ಪ್ರದೇಶವಾಗಿದ್ದರೂ ಕೆಲವು ಕಾಲನಿಗಳಲ್ಲಿ ನೀರು ಸರಬರಾಜು ಸರಿಯಾಗಿ ಆಗದೆ ಕಾಲನಿಯ ಜನರು ಜಲಾಶಯಕ್ಕೆ ಹೋಗಿ ದ್ವಿಚಕ್ರ ವಾಹನ ಮೇಲೆ ಹಾಗೂ ಸೈಕಲ್‌ ಮೇಲೆ ತರುವ ಪರಿಸ್ಥತಿ ಬಂದೊದಗಿದೆ.

ಪ್ರತಿ ತಿಂಗಳಲ್ಲಿ 3 ಬಾರಿ ಯಂತ್ರ ಸ್ಥಗಿತಗೊಂಡು ಕಾಲನಿಯ ನಿವಾಸಿಗಳು ತೊಂದರೆ ಅನುಭವಿಸಬೇಕಾಗಿದೆ. ನೀರನ್ನು ಶುದ್ಧೀಕರಣ ಮಾಡದೆ ಕಾಲನಿಯ ಜನರಿಗೆ ಪೂರೈಸುವಲ್ಲಿ ನಿಗಮದ ಅಧಿಕಾರಿಗಳು ವಿಫಲರಾಗಿದ್ದಾರೆ.

ಹದಗೆಟ್ಟ ರಸ್ತೆಗಳು:
ಬಸವೇಶ್ವರ ಕಾಲೇಜಿನಿಂದ ಬಸ್‌ ನಿಲ್ದಾಣದ ಮುಖ್ಯ ರಸ್ತೆ ಕೆಟ್ಟು ಬಸ್ಸು ವಾಹನಗಳು ದ್ವಿಚಕ್ರ ವಾಹನಗಳು ಅಪಘಾತಕ್ಕಿಡಾಗುತ್ತಿವೆ. ಜನರಿಗೆ ರಸ್ತೆಯ ಮೇಲೆ ಓಡಾಡಲು ತಗ್ಗು ದಿಣ್ಣೆಗಳಿಂದಾಗಿ ಅನಾನುಕೂಲವಾಗಿದೆ. ಕಾಲನಿಯ ಗಟಾರಗಳು ಕಸದಿಂದ ತುಂಬಿವೆ. ಮನೆಗಳ ಮುಂದೆ ಕಾಂಗ್ರೆಸ್‌ ಕಸ ಬೆಳೆದು ಸೊಳ್ಳೆಗಳ ಕಾಟದಿಂದ ರೋಗಗಳು ಹರಡುತ್ತಿವೆ. ಮನೆಗಳ ಹಿಂಬದಿ ಹಂದಿಗಳ ಕಾಟ ವಿಪರೀತವಾಗಿದೆ. ಬಸ್‌ ನಿಲ್ದಾಣದಲ್ಲಿ ಕತ್ತೆ, ಕುದುರೆಗಳ ಕಾಟವೂ

ನಾಯಿ-ಮಂಗಗಳ ಹಾವಳಿ:
ಕಾಲನಿ ತುಂಬ ನಾಯಿಗಳು, ಮಂಗಗಳ ಹಾವಳಿ ಅತಿಯಾಗಿದೆ. ನಾಯಿಗಳು ಜನರ ಮೇಲೆ ದಾಳಿಯಿಡುತ್ತಿದ್ದರೆ ಮಂಗಗಳು ಮನೆಗಳ ಚಾವಣಿ ನಾಶಪಡಿಸುತ್ತಿವೆ. ನಿಗಮದ ಅಧಿಕಾರಿಗಳಾಗಲಿ, ಹೊಸಪೇಟ ಗ್ರಾಮ ಪಂಚಾಯಿತಿಯವರಾಗಲಿ, ಅಗತ್ಯ ಕ್ರಮ ವಹಿಸುವಂತೆ ಹಿಡಕಲ್‌ ಡ್ಯಾಂನ ಸಾರ್ವಜನಿಕರು ಒತ್ತಾಯಿಸಿದ್ದಾರೆ.