ಸರಣಿ ಕಳ್ಳತನ: ಸಾರ್ವಜನಿಕರ ಆತಂಕ

ಸುರೇಬಾನ: ಗ್ರಾಮದ ಅಂಗಡಿಗಳಲ್ಲಿ ಪದೇ ಪದೆ ಕಳ್ಳತನ ನಡೆಯುತ್ತಿದ್ದು, ಸಾರ್ವಜನಿಕರು ಆತಂಕಕ್ಕೊಳಗಾಗಿದ್ದಾರೆ. ಸುರೇಬಾನ-ಮನಿಹಾಳ ಗ್ರಾಮದ ಮುಖ್ಯ ಮಾರುಕಟ್ಟೆ ಯಲ್ಲಿ ಶುಕ್ರವಾರ ಐದು ಮೊಬೈಲ್‌ಗಳು ಕಳ್ಳತನವಾಗಿವೆ. ಅಲ್ಲದೆ, ರಾತ್ರಿ ಹೊತ್ತಿನಲ್ಲಿ ಏಳೆಂಟು ಅಂಗಡಿಗಳ ಬೀಗ ಒಡೆದ ಕಳ್ಳರು ಹಣ ಸೇರಿದಂತೆ ಇನ್ನಿತರೆ ವಸ್ತುಗಳನ್ನು ಕದ್ದಿದ್ದಾರೆ.

ಕಳ್ಳರ ಪತ್ತೆಗೆ ಒತ್ತಾಯ: ಸರಣಿ ಕಳ್ಳತನದಿಂದ ಸಾರ್ವಜನಿಕರು ಆತಂಕಕ್ಕೊಳಗಾಗಿದ್ದಾರೆ. ಕಾರಣ ಪೊಲೀಸರು ಶೀಘ್ರ ಕಳ್ಳರ ಪತ್ತೆಗೆ ಸೂಕ್ತ ಕ್ರಮ ಕೈಗೊಳ್ಳಬೇಕು ಎಂದು ವರ್ತಕರ ಸಂಘದ ಅಧ್ಯಕ್ಷ , ಸದಸ್ಯರು ಒತ್ತಾಯಿಸಿದ್ದಾರೆ.