ಶಾರ್ಟ್‌ ಸರ್ಕ್ಯೂಟ್‌; ಎಸ್‌ಬಿಐ ಎಟಿಎಂಗೆ ಬೆಂಕಿ

ಬೋರಗಾಂವ : ಶಮನೇವಾಡಿಯ ಸದಲಗಾ ರಸ್ತೆಯಲ್ಲಿರುವ ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾದ ಎಟಿಎಂ ಕೇಂದ್ರಕ್ಕೆ ಮಂಗಳವಾರ ಮಧ್ಯಾಹ್ನ ವಿದ್ಯುತ್‌ ಶಾರ್ಟ್‌ ಸರ್ಕ್ಯೂಟ್‌ನಿಂದ ಬೆಂಕಿ ಹತ್ತಿಕೊಂಡಿತು.

ಎಟಿಎಂ ನಿಂದ ಹೊಗೆ ಬರಲು ಪ್ರಾರಂಭವಾದಾಗ ರಸ್ತೆಯಲ್ಲಿ ಸಂಚರಿಸುತ್ತಿದ್ದ ಜನ ತಕ್ಷ ಣ ಸದಲಗಾ ಅಗ್ನಿಶಾಮಕ ದಳ ಹಾಗೂ ಪೊಲೀಸ್‌ ಠಾಣೆಗೆ ದೂರವಾಣಿ ಮುಖಾಂತರ ತಿಳಿಸಿದ್ದಾರೆ.

ಎಟಿಎಂ ಕೇಂದ್ರದಲ್ಲಿ ಶಾಶ್ವತ ಸೆಕ್ಯುರಿಟಿ ಗಾರ್ಡ್‌ ಇಲ್ಲ. ಬ್ಯಾಂಕ್‌ ಕಟ್ಟಡಕ್ಕೆ ಹೊಂದಿಕೊಂಡಿರುವ ವಿದ್ಯುತ್‌ ಟಿಸಿ ಮುಖಾಂತರವೇ ಬೆಂಕಿ ತಗುಲಿದ್ದರಿಂದ ಕ್ಷಣಾರ್ಧದಲ್ಲಿ ಬೆಂಕಿ ರೌದ್ರಾವತಾರ ತಾಳಿ ಇಡೀ ಕೇಂದ್ರ ಮುಂಬಾಗಿಲು ಹೊತ್ತಿ ಉರಿಯಲು ಪ್ರಾರಂಭವಾಯಿತು.

ಕೂಡಲೆ ಆಗಮಿಸಿದ ಅಗ್ನಿಶಾಮಕ ದಳದ ಸಿಬ್ಬಂದಿ ಬೆಂಕಿ ನಂದಿಸಿದರು. ಎಟಿಎಂನಲ್ಲಿ 36ಲಕ್ಷ ರೂ. ನಗದು ಹಾಕಲಾಗಿದ್ದು ಅವುಗಳ ಹಾನಿ ಬಗ್ಗೆ ತಿಳಿದುಬರಬೇಕಿದೆ.