ಬೆಳಗಾವಿಯ ಶ್ರೀನಿವಾಸ್‌ ಬ್ಯಾಂಕ್‌ ಆಫ್‌ ಅಮೆರಿಕಾ ಎಂಡಿ

ಬೆಳಗಾವಿ : ಪ್ರಪಂಚದಾದ್ಯಂತ ನಾಲ್ಕು ಸಾವಿರಕ್ಕೂ ಹೆಚ್ಚು ಶಾಖೆಗಳನ್ನು ಹೊಂದಿರುವ 'ಬ್ಯಾಂಕ್‌ ಆಫ್‌ ಅಮೆರಿಕಾ' ಅಂತಾರಾಷ್ಟ್ರೀಯ ಬ್ಯಾಂಕ್‌ಗೆ ಬೆಳಗಾವಿಯ ಶ್ರೀನಿವಾಸ್‌ ಸಾವಂತ ಅವರು ವ್ಯವಸ್ಥಾಪಕ ನಿರ್ದೇಶಕರಾಗಿ ನೇಮಕವಾಗಿದ್ದಾರೆ.

ಬ್ಯಾಂಕ್‌ ಆಫ್‌ ಅಮೆರಿಕಾ ವಾರ್ಷಿಕ 100 ದಶಲಕ್ಷ ಡಾಲರ್‌ ವ್ಯವಹಾರ ಹೊಂದಿದ್ದು, ಎರಡೂವರೆ ಲಕ್ಷ ಉದ್ಯೋಗಿಗಳು ಬ್ಯಾಂಕ್‌ನ ವಿವಿಧ ಶಾಖೆಗಳಲ್ಲಿ ಕೆಲಸ ಮಾಡುತ್ತಿದ್ದಾರೆ. ಶ್ರೀನಿವಾಸ್‌ ಅವರು ಜನವರಿ ಮೊದಲ ವಾರವೇ ಅವರು ಈ ಬ್ಯಾಂಕ್‌ನ ಉನ್ನತ ಹುದ್ದೆ ಅಲಂಕರಿಸಿದ್ದಾರೆ. ಇದರೊಂದಿಗೆ ಸಣ್ಣ ರಾಷ್ಟ್ರಗಳಿಗೆ ಸಾಲ ಮಂಜೂರು ನಿರ್ಧರಿಸುವ ಜವಾಬ್ದಾರಿಯೂ ಇವರ ಅಧಿಕಾರ ವ್ಯಾಪ್ತಿಯಲ್ಲಿ ಸೇರಿದೆ.

ಶ್ರೀನಿವಾಸ್‌, ಬೆಳಗಾವಿಯ ಸೇಂಟ್‌ ಝೇವಿಯರ್‌ ಶಾಲೆಯಲ್ಲಿ ಪ್ರೌಢ ಶಿಕ್ಷ ಣ ಹಾಗೂ ಜಿಎಸ್‌ಎಸ್‌ ಕಾಲೇಜಿನಲ್ಲಿ ಕಾಲೇಜು ಶಿಕ್ಷ ಣ ಪಡೆದಿದ್ದಾರೆ. ಸದಾನಂದ ಸಾಮಂತ ಅವರ ಹಿರಿಯ ಪುತ್ರರಾಗಿರುವ ಶ್ರೀನಿವಾಸ್‌ ಎಸ್‌ಎಸ್‌ಎಲ್‌ಸಿಯಲ್ಲಿ ಜಿಲ್ಲೆಗೇ ಪ್ರಥಮ ಸ್ಥಾನ ಪಡೆದಿದ್ದರು. ಸುರತ್ಕಲ್‌ ಹಾಗೂ ಬೆಂಗಳೂರಿನಲ್ಲಿ ಉನ್ನತ ಶಿಕ್ಷ ಣ ಪಡೆದಿರುವ ಅವರು, 13 ವರ್ಷಗಳಿಂದ ಬ್ಯಾಂಕ್‌ ಆಫ್‌ ಅಮೆರಿಕಾದಲ್ಲಿ ಸಂಚಾಲಕರಾಗಿ ಸೇವೆ ಸಲ್ಲಿಸಿ ಈಗ ಅದರ ಉನ್ನತ ಹುದ್ದೆಗೇರಿದ್ದಾರೆ.