ಅಪಘಾತ; ತಂದೆ ಎದುರೇ ಪ್ರಾಣಬಿಟ್ಟ ಮಗ

ಬೆಳಗಾವಿ: ತಂದೆ ಕಣ್ಮುಂದೆಯೇ ಮಗ ಪ್ರಾಣ ಬಿಟ್ಟ ಘಟನೆ ಗುರುವಾರ ಬೆಳಗ್ಗೆ ಇಲ್ಲಿನ ಝಾಡ್‌ ಶಹಾಪುರ ರಸ್ತೆಯಲ್ಲಿ ನಡೆದಿದೆ. ಖಾನಾಪುರದ ರವಿವಾರ ಪೇಟೆಯ ಶುಭಂ ಪುಂಡಲೀಕ್‌ ಗುಂಜಿಕರ್‌(25) ಮೃತ ಯುವಕ.

ಇಲ್ಲಿನ ಉದ್ಯಮಬಾಗದ ಕಾರ್ಖಾನೆಯೊಂದರಲ್ಲಿ ಕೆಲಸ ಮಾಡುತ್ತಿದ್ದ ತಂದೆ-ಮಗ ಎಂದಿನಂತೆ ಖಾನಾಪುರದಿಂದ ಬೆಳಗಾವಿಗೆ ಬೈಕ್‌ ಮೇಲೆ ಬರುವಾಗ ಹಿಂದಿನಿಂದ ಬಂದ ವಾಹನವೊಂದು ಗುದ್ದಿದೆ. ಈ ಸಂದರ್ಭದಲ್ಲಿ ನಿಯಂತ್ರಣ ಕಳೆದುಕೊಂಡ ಬೈಕ್‌ ಸವಾರರು ಇನ್ನೊಂದು ವಾಹನದ ಕೆಳಗೆ ಅಡಿ ಬಿದ್ದಿದ್ದಾರೆ. ಈ ಸಂದರ್ಭದಲ್ಲಿ ಗಭೀರವಾಗಿ ಗಾಯಗೊಂಡಿದ್ದ ಶುಭಂ ಆಸ್ಪತ್ರೆಗೆ ದಾಖಲಿಸುವ ಮಾರ್ಗ ಮಧ್ಯೆ ಮೃತಪಟ್ಟಿದ್ದಾನೆ. ತಂದೆ ಪುಂಡಲೀಕ್‌ ಗುಂಜಿಕರ್‌ (54) ಅವರಿಗೂ ಸಣ್ಣಪುಟ್ಟ ಗಾಯಗಳಾಗಿವೆ. ಈ ಕುರಿತು ಗ್ರಾಮೀಣ ಠಾಣೆ ಪೊಲೀಸರು ಪ್ರಕರಣ ದಾಖಲಾಗಿದೆ.