ಸ್ಥಗಿತಗೊಂಡಿದ್ದ ಮೇವು ವಿತರಣೆ ಪುನಾರಂಭ

ಐಗಳಿ: ಕಾರಣಾಂತರಗಳಿಂದ ಮೇವು ವಿತರಣೆ ವಿಳಂಬವಾಗಿದ್ದು ಎಲ್ಲ ರೈತರು ಸಹಕರಿಸಬೇಕು. ಕಿಲೋಗೆ 1 ರೂ. ನಂತೆ ಹಣ ನೀಡಿ, ಪರಸ್ಪರ ಸಹಕಾರದಿಂದ ಮೇವು ಪಡೆದುಕೊಳ್ಳಬೇಕು ಎಂದು ಕರವೇ ಅಧ್ಯಕ್ಷ ಶ್ರೀಶೈಲ ಪೂಜಾರಿ ಹೇಳಿದರು.

ಅವರು, ಸಮೀಪದ ಅರಟಾಳ ಗ್ರಾಮದಲ್ಲಿ ಸ್ಥಗಿತಗೊಂಡಿದ್ದ ಮೇವು ವಿತರಣೆಗೆ ಗುರುವಾರ ಮರು ಚಾಲನೆ ನೀಡಿ ಮಾತನಾಡಿದರು.

ಮೇವು ಸಿಗದಿರುವ ಕಾರಣ ಮೇವು ವಿತರಣೆಯಲ್ಲಿ ತೊಂದರೆಯಾಗಿತ್ತು. ರೈತರು ಸಹಕರಿಸಬೇಕು ಎಂದರು.

ಈ ಸಂದರ್ಭದಲ್ಲಿ ಪಿಕೆಪಿಎಸ್‌ ಅಧ್ಯಕ್ಷ ರಾಮಪ್ಪ ಪೂಜಾರಿ, ಪಿಕೆಪಿಎಸ್‌ ನಿರ್ದೇಶಕ ಕರೆಪ್ಪ ಹಿರೇಕುರಬರ, ಹಣಮಂತ ಹಟ್ಟಿ, ಮಾಳಪ್ಪ ಕಾಂಬಳೆ, ಸಲ್ಲಾವುದ್ದಿನ್‌ ಮುಲ್ಲಾ, ಮಲ್ಲಿಕಾರ್ಜುನ ತೆಲಸಂಗ, ವಿಠ್ಠಲ ಹಟ್ಟಿ, ಮಲ್ಲಿಕಾರ್ಜುನ ತೆಲಸಂಗ ಮತ್ತಿತರರು ಇದ್ದರು.