ತಹಸೀಲ್ದಾರರ ವರ್ಗಾವಣೆ

ಬೆಳಗಾವಿ: ಸಾರ್ವತ್ರಿಕ ಚುನಾವಣೆ ಹಿನ್ನೆಲೆಯಲ್ಲಿ ಆಡಳಿತಾತ್ಮಕ ಮತ್ತು ಸಾರ್ವಜನಿಕ ಹಿತ ದೃಷ್ಟಿಯಿಂದ ರಾಜ್ಯ ಸರಕಾರ ಕಂದಾಯ ಇಲಾಖೆಯ ಕೆಲ ತಹಸೀಲ್ದಾರರನ್ನು ವರ್ಗಾವಣೆಗೊಳಿಸಿದೆ. ಬೆಳಗಾವಿ ಭೂಸ್ವಾಧೀನ ಕಚೇರಿಯ ವಿಶೇಷ ತಹಸೀಲ್ದಾರ ಸ್ಥಾನಕ್ಕೆ ಜಮಖಂಡಿ ಉಪವಿಭಾಗಾಧಿಕಾರಿ ಕಚೇರಿ ತಹಸೀಲ್ದಾರ ಎಸ್‌.ಎಸ್‌.ನಾಯಕಲ್‌ಮಠ ಅವರನ್ನು ನೇಮಕ ಮಾಡಲಾಗಿದೆ. ಬೈಲಹೊಂಗಲ ತಹಸೀಲ್ದಾರ ಸ್ಥಾನಕ್ಕೆ ಧಾರವಾಡ ಜಿಲ್ಲಾಧಿಕಾರಿ ಕಚೇರಿ ತಹಸೀಲ್ದಾರ ವಿ.ಜಿ.ಗುಳಗುಳಿ, ಬೆಳಗಾವಿ ತಾಲೂಕಿನ ತಹಸೀಲ್ದಾರ ಮಂಜುಳಾ ನಾಯಕ್‌ ಅವರನ್ನು ಮುದ್ದೇಬಿಹಾಳ ತಹಸೀಲ್ದಾರ, ಪ್ರಾದೇಶಿಕ ಆಯುಕ್ತ ಕಚೇರಿ ತಹಸೀಲ್ದಾರ ಆರ್‌.ಜೆ.ಹೊಸೂರ ಅವರನ್ನು ಕಾರವಾರ ತಹಸೀಲ್ದಾರ ಸ್ಥಾನಕ್ಕೆ ಮತ್ತು ಬೆಳಗಾವಿ ಮಹಾನಗರ ಪಾಲಿಕೆ ಸಹಾಯಕ ಪರಿಷತ್‌ ಕಾರ್ಯದರ್ಶಿ ಎಚ್‌.ಬಿ.ಪೀರಜಾದೆ ಅವರನ್ನು ಆಳಂದ ತಹಸೀಲ್ದಾರ ಸ್ಥಾನಕ್ಕೆ ವರ್ಗ ಮಾಡಲಾಗಿದೆ.