ಶಿಕ್ಷಣ ಕ್ಷೇತ್ರ ಗಲೀಜಾಗಲು ಮೈತ್ರಿ ಸರಕಾರ ಕಾರಣ

ಅಥಣಿ: ಹಿಂದಿನ ದೋಸ್ತಿ ಸರಕಾರದ ರಾಜಕೀಯ ಹಸ್ತಕ್ಷೇಪದಿಂದಾಗಿ ಶಿಕ್ಷಣ ಕ್ಷೇತ್ರ ಗಲೀಜಾಗಿದೆ ಎಂದು ವಿಧಾನ ಪರಿಷತ್‌ ಸದಸ್ಯ ಅರುಣ್‌ ಶಹಾಪುರ ವಿಷಾದಿಸಿದರು.

ಪಟ್ಟಣದಲ್ಲಿ ಗುರುವಾರ ಸುದ್ದಿಗಾರರೊಂದಿಗೆ ಅವರು ಮಾತನಾಡಿ, ''ಬಸವರಾಜ ಹೊರಟ್ಟಿ ಅವರು ಶಿಕ್ಷ ಣ ಮಂತ್ರಿಗಳಾಗಿದ್ದಾಗ ಶಿಕ್ಷ ಣ ಇಲಾಖೆಯಲ್ಲಿ ಯಾವುದೇ ರೀತಿಯ ರಾಜಕೀಯ ಹಸ್ತಕ್ಷೇಪವಾಗುತ್ತಿರಲಿಲ್ಲ. ಆದರೆ ಕಾಂಗ್ರೆಸ್‌-ಜೆಡಿಎಸ್‌ ಮೈತ್ರಿ ಸರಕಾರ ರಾಜಕೀಯ ಬೆರೆಸಿತು'', ಎಂದು ದೂರಿದರು.

''ಕಳೆದ 6 ವರ್ಷಗಳಲ್ಲಿ ಕಾಂಗ್ರೆಸ್‌ ಸರಕಾರ ಕೇವಲ ಎರಡು ಬಾರಿ ಮಾತ್ರ ಶಿಕ್ಷ ಕರ ನೇಮಕಾತಿ ಪ್ರಕ್ರಿಯೆ, ಕಡ್ಡಾಯ ವರ್ಗಾವಣೆ. ಘಟಕದ ವರ್ಗಾವಣೆ ಮಾಡಿದೆ. ಇದನ್ನು ಬಿಟ್ಟು ಶಿಕ್ಷ ಕರಿಗೆ ಪೂರಕ ಯಾವುದೇ ವಿಶೇಷ ಕಾರ್ಯಗಳನ್ನು ಮಾಡಿಲ್ಲ'', ಎಂದ ಅವರು, ''ರಾಷ್ಟ್ರೀಯ ಶಿಕ್ಷ ಣ ನೀತಿ-2019 ಸಮರ್ಪಕ ಅನುಷ್ಠಾನವಾದರೆ ಶಿಕ್ಷ ಣ ಇಲಾಖೆ ಅಗಾಧ ಬದಲಾವಣೆ ಕಾಣಲಿದೆ'', ಎಂದು ವಿಶ್ವಾಸ ವ್ಯಕ್ತಪಡಿಸಿದರು.