ವರ್ಷದ ಉತ್ತಮ ಪ್ರಾಜೆಕ್ಟ್ ಪ್ರಶಸ್ತಿ ಪ್ರದಾನ

ಚಿಕ್ಕೋಡಿ: ಇಲ್ಲಿನ ಕೆಎಲ್‌ಇ ಎಂಜಿನಿಯರಿಂಗ್‌ ಕಾಲೇಜಿನ ಎಲೆಕ್ಟ್ರಾನಿಕ್ಸ್‌ ಮತ್ತು ಕಮ್ಯುನಿಕೇಶನ್‌ ಎಂಜೀನಿಯರಿಂಗ್‌ ವಿಭಾಗದ ವಿದ್ಯಾರ್ಥಿಗಳು ಸಿದ್ಧ ಪಡಿಸಿದ 'ಕ್ಲಾಸಿಫಿಕೇಶನ್‌ ಆಫ ಲಂಗ್‌ ಡೀಸಿಸಸ್‌ ಆ್ಯಂಡ್‌ ಡಿಟೆಕ್ಷ ನ್‌ ಆಫ್‌ ಲಂಗ್‌ ಕ್ಯಾನ್ಸರ್‌ ಯೂಸಿಂಗ್‌ ಇಮೇಜ್‌ ಪ್ರೊಸೆಸಿಂಗ್‌ ರಾಸ್ಪಬೇರಿ ಫಿ ಆ್ಯಂಡ್‌ ಐಒಟಿ' ಪ್ರಾಜೆಕ್ಟ್ಗೆ ಕರ್ನಾಟಕ ರಾಜ್ಯ ವಿಜ್ಞಾನ ಮತ್ತು ತಂತ್ರಜ್ಞಾನ ಮಂಡಳಿ ವರ್ಷದ ಉತ್ತಮ ಪ್ರಾಜೆಕ್ಟ್ ಪ್ರಶಸ್ತಿ ನೀಡಿದೆ.

ಚಿಕ್ಕೋಡಿ ಕೆಎಲ್‌ಇ ಎಂಜಿನಿಯರಿಂಗ್‌ ಕಾಲೇಜು 2016-17, 2017-18, 2018-19ನೇ ಸಾಲಿನಲ್ಲಿ ಸತತವಾಗಿ ಈ ಪ್ರಶಸ್ತಿ ಪಡೆಯುತ್ತಿರುವ ಶ್ರೇಯಸ್ಸು ಮಹಾವಿದ್ಯಾಲಯದ ವಿದ್ಯಾರ್ಥಿಗಳಿಗೆ ಹಾಗೂ ಮಾರ್ಗದರ್ಶಕ ಪ್ರಾಧ್ಯಾಪಕರಿಗೆ ಸಲ್ಲುತ್ತದೆ ಎಂದು ಕಾಲೇಜಿನ ಪ್ರಾಚಾರ್ಯ ಡಾ. ಪ್ರಸಾದ ರಾಂಪುರೆ ಹೇಳಿದರು.

ಬೆಳಗಾವಿಯ ಕೆಎಲ್‌ಇ ಎಂ.ಎಸ್‌. ಶೇಷಗಿರಿ ಅಭಿಯಾಂತ್ರಿಕ ಕಾಲೇಜಿನಲ್ಲಿ ಜು.26 ಮತ್ತು 27 ರಂದು ಜರುಗಿದ 42ನೇ ರಾಜ್ಯಮಟ್ಟದ ಪ್ರದರ್ಶನ ಹಾಗೂ ಅಂತಿಮ ಹಂತದಲ್ಲಿ ಸ್ಪರ್ಧೆಯಲ್ಲಿ ವಿಜ್ಞಾನ ಮತ್ತು ತಂತ್ರಜ್ಞಾನ ವಿಭಾಗ, ಭಾರತ ಸರಕಾರದ ಮುಖ್ಯಸ್ಥ ಡಾ. ದೇಬಪ್ರಿಯ ದತ್ತಾ ಅವರು ವಿದ್ಯಾರ್ಥಿಗಳಿಗೆ ಹಾಗೂ ಮಾರ್ಗದರ್ಶಕರಿಗೆ ಪ್ರಶಸ್ತಿ ನೀಡಿ ಗೌರವಿಸಿದ್ದಾರೆ.

ವಿದ್ಯಾರ್ಥಿಗಳಾದ ಸುಪ್ರಿತಾ ಕಡಕೋಳ, ಪೂಜಾ ಕನಸೆ, ಪ್ರಿಯಾಂಕಾ ಖೋತ, ಪದ್ಮಶ್ರೀ ಪಾಟೀಲ ಈ ಪ್ರಾಜೆಕ್ಟ್ ಸಿದ್ಧಪಡಿಸಿದ್ದಾರೆ. ಪ್ರೊ. ಪ್ರವೀಣ ಗುರವ ಮಾರ್ಗದರ್ಶನ ನೀಡಿದ್ದರು.