ಮಾಯಕ್ಕನ ಕಷ್ಟಕ್ಕೆ ಸ್ಪಂದಿಸಿದ ಮುಖ್ಯಮಂತ್ರಿ

ಬೆಳಗಾವಿ : ಮುಖ್ಯಮಂತ್ರಿ ಕಚೇರಿಗೆ ತೆರಳಿ ಅಹವಾಲು ಸಲ್ಲಿಸಿದ ಗೋಕಾಕ ನಗರದ ವಿಕಲಚೇತನ ಮಹಿಳೆಗೆ ಮುಖ್ಯಮಂತ್ರಿ ಕುಮಾರಸ್ವಾಮಿ 50 ಸಾವಿರ ರೂ.ಮೊತ್ತದ ಚೆಕ್‌ ನೀಡಿದ್ದಾರೆ.

ಗೋಕಾಕ ನಗರದ ಉಪ್ಪಾರ ಗಲ್ಲಿಯ ಮಾಯಕ್ಕ ಅವರ ಎರಡೂ ಕಾಲುಗಳು ಹುಟ್ಟಿನಿಂದಲೇ ದೌರ್ಬಲ್ಯಕ್ಕೆ ಒಳಗಾಗಿವೆ. ಪತಿ ಕೂಡ ದೂರವಾಗಿರುವುದರಿಂದ ಮಾಯಕ್ಕ ಎರಡು ಮಕ್ಕಳೊಂದಿಗೆ ಕುಟುಂಬ ನಿರ್ವಹಿಸಲು ಪರದಾಡುತ್ತಿದ್ದಾರೆ. ತೆವಳಿಕೊಂಡೇ ಕ್ರಮಿಸಿ ಪಾತ್ರೆ ತೊಳೆಯುವ ಕೆಲಸ ಮಾಡುವ ಮಾಯಕ್ಕ, ಸರಕಾರದಿಂದ ನೆರವು ಪಡೆದುಕೊಳ್ಳುವ ಉದ್ದೇಶದಿಂದ ಸೋಮವಾರ ಬೆಂಗಳೂರಿಗೆ ತೆರಳಿ ಮುಖ್ಯಮಂತ್ರಿ ಭೇಟಿಯಾಗಿದ್ದರು. ಅಹವಾಲು ಆಲಿಸಿದ ಸಿಎಂ ತಕ್ಷ ಣ 50 ಸಾವಿರ ರೂ.ನೆರವು ನೀಡಿ ಮಕ್ಕಳ ವಿದ್ಯಾಭ್ಯಾಸಕ್ಕೆ ವ್ಯವಸ್ಥೆ ಕಲ್ಪಿಸುವ ಭರವಸೆ ನೀಡಿದ್ದಾರೆ. ಪಡಿತರ ಚೀಟಿ ಮತ್ತಿತರ ಸೌಲಭ್ಯ ಒದಗಿಸಲು ಕ್ರಮವಹಿಸುವಂತೆ ಜಿಲ್ಲಾಧಿಕಾರಿಗೆ ಸೂಚನೆ ನೀಡಿದ್ದಾರೆ.

ಆರ್ಥಿಕ ನೆರವು ಪಡೆದ ಮಾಯಕ್ಕ ಕಿರಾಣಿ ಅಂಗಡಿ ಆರಂಭಿಸುವುದಾಗಿ ಹೇಳಿದ್ದಾರೆ.