ಬೆಂಕಿ ತಗುಲಿ ಮಾವಿನ ತೋಟ ಭಸ್ಮ

ಇಟಗಿ : ಮಂಗ್ಯಾನಕೊಪ್ಪ ಗ್ರಾಮದಲ್ಲಿ ಸಂಭವಿಸಿದ ಆಕಸ್ಮಿಕ ಬೆಂಕಿ ದುರಂತದಲ್ಲಿ ಆಪುಸ್‌ ಮಾವಿನ ತೋಟ ಹಾಗೂ ಸ್ಪಂಕ್ಲರ್‌ ಪೈಪ್‌ಗಳು ಸುಟ್ಟಿವೆ.

ಮಾವಿನ ತೋಟ ಶೇಖಪ್ಪ ಪಿಜ್ಜೋಳ್ಳಿ ಅವರಿಗೆ ಸೇರಿದೆ. ಘಟನೆಯಲ್ಲಿ 150 ಮಾವಿನ ಗಿಡಗಳು, 80 ತೇಗಿನ ಮರಗಳು ಸುಟ್ಟಿವೆ. ಇವರ ಪಕ್ಕದ ಜಮೀನಿನ ಯಲ್ಲಪ್ಪ ಪಾಟೀಲ ಅವರಿಗೆ ಸೇರಿದ 10 ವರ್ಷಗಳ ಹಿಂದೆ ನೆಟ್ಟ 60 ಆಪುಸ್‌ ಮಾವಿನ ಗಿಡಗಳು ಮತ್ತು ಸ್ಪಂಕ್ಲರ್‌ ಪೈಪ್‌ಗಳು ಸುಟ್ಟಿವೆ. ಈ ಕುರಿತು ನಂದಗಡ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿವೆ.